Baaxoh Caddoh Mabbalow Afrikah Xaylo Isinni Caagidal Isinnih Madaqaanamih Dudda Loonum Tubluuse Kaxxa Gudguduk Sugte-Uhuru Kiniyata
Addis Ababa,Ximolik 16,2018 (FMC) Dumaahi Kiniyah Prezdenti Uhuru Kiniyata Itiyoppiya Gexsisse Baaxoh Caddoh Kobox Wagsiisak Tatruse Farmol Iyyemih Afrikah Xaylo Isinni Caagidal Isinnih Madaqaanamih Dudda Loonum Tubluuse Kaxxa Gudguduk Sugtem Qaddose.
Inkih Tan Baaxo Caddok Tewqe 4Alfi Takke Mabbalowenit Ditelik 8/2018 Xabba Haanam Gexsitak Sugte Baaxo Caddoh Koboxuk Alfenti Taddera Gexsitak Geytimta.
Tama Aracal Farmo Tatruse Uhuru Kiniyatta Iyyemihi Mabbalow Gexso Xayikkek Kattatak Sugem kee Ta Mabbalow Qajaibik Yaninnal Gexsitak Sugem Baxxaqse.
Ta Kobox Xalu Lennal Gaba Kalem Wagsiisak Inkih Tan Itiyoppiyah Ummattak Unkaq Ruffa Ittenim Iyyanamih Farmo Tatruse.
Afrika Kaxxa Kaxxa Soono Lem Kee Tah Kaadu Isinni Yamatewaktih Saamitte Isinni Duddal Akah Gexsina Innah Kaxxa Saami Le Baaxo Kinnim Tahak Celallo Kaadu Itiyoppiya Gexsisse Baaxoh Caddoh Mabbalow Kinnim Yescesse.
Ta Mabbalow Itiyoppiya Sugte Taqabitte Walal Afdiguk Kaxxa Doori Elle Digiren Doorik Sugtem Yiysixxige.
Itiyoppiya Dahab Innah Giral Laqallaqimak Taturte Diggole Baaxo Kinnim Kee Itiyoppiya Taqbittet Annikisse Sinni Diggole Baaxo Kinnim Afrikah Celallo Tekkem Kassise.
Mangoh Tan Ayro Culma Baaxoxa Itiyoppiya Ku Amol Ayyoh Haytuh Gabbatte Uddur Kuamol Ayyo Oggolewayte Kaxxa Baaxoy Afrikah Konnabna Dacrisse Kinnim Yescesse.