Baaxok Mabbalow Konferensih Fakkenti Tadderal Baaxok Mabbalow Komishinih Saqalah Yan Gifta P/r Mesfin Araya Uguseh Yan Lafale Ximmooma:-

👉 Ta kobox ni baaxoh ayyuntiinoo kee maddur safar miraaciselem kee ciggilta horah maqar kee amaan le agat xisnuh aydaadul qusba mafdaga fakam kinni.

👉 Itiyoppiya baxaabaxsa le afitteey, qaadoodii kee Nihritte le baaxo kinni way, ta baxsitte Sittallih Beyoonuh kaxxa Taqabitteh Addat Suge. Ta baxsitte asaaku fan baaxô xaylok salaam kee baaxoh dadalat Gexekalit Akkuk geytimta.

👉 Mablâ baxsi isih taqabi hinna baxaabaxsa le mabla Tanimi manga kee demokraasih baxxaqsa. taqbi Takkem Laakin Ta Baxsitte Walalal Yafdigenimik Naqabu Kee Libdo Gabbatanama

👉 Ni tatre aydaadi baxsitte caylat hinnay baxsa le gurral sarrimaane luk fidga geytam duude waytam nee barseh yan; fidga elle tanim qadleenaay, maagoosaay, qaddoowaa kee missô fayih gexsititte kataataanama.

👉 Fayi gexsit inkih tan ummattah gabat agle akah yakkennah sayyo, qunxaaneytaay, buqre kee dacarsittoh xiinaay, siyaasâ partitteey, xisoosa kee eglaaliiy, barittô buxaaxi kee ayyunti mirocti edde anuk inkih tan ayyunti exxaaxik gabat agle lem tamixxige.

👉 Baar le ajenxa-xisoh angagoyya kulli caddol tekkeh ten ummattah xongoloola kee ken numma taqabi yaaxigoonuh. too ajenxaaxi faatacimeh gulgulusen gital too bica le fayitte mihratleelah cato luk Bicteh Geytimta.

👉 Ummatta agat caddol yakke fayisiya kinnaaneey, tuxxiiq kee hadaf gitah yan ceda akah geytannah kee gexsit lewanna kinnim akah cedan innah inkih tan ityoppiyal aysaxaaxag taamoomi tekke.

👉 Fayi walal lakal, agat xisnek rakiiboh tan caagiidal agat caddol itta geynam qammalsimtaah, bool liggiditteh nee kurrusseh tanim kee asaaku nee kurrussah tan caagiidal ittalluk leh tan fidga geynem qammalsimta.

👉 Toh tonnal anuk, walal elle yekkek lakal, rakaakay kee doolat fanat, tonnah kaadu baxaa baxsa le siyaasâ caylitteh fanat qusbaah maqar le aamantinaane xisenno axcuk qambaalan.

👉 Kulliimiik Nabuk agat kinnuk miid dariifal tan Taqabitte fooca fanah tan taqabitte fidga geynuh, kicinno baaxol walal kee fayi qaada diggosnam faxximta.