Baddi Forda Agat Fayxi Dacrisoonuh Leh Tan Doori…

Addis Ababa, Ditelik 2, 2018 ILL (FMC) Baddi Fordih Lewanna Agat Amnih Dacayrih, Maduur Dadlisaanam kee Agat Fayxi Dacrisoonuh Kaxxa Doori Digirta.

Baddi Giti Aneweek Baaxok Tellemmoh Angagoyyal Kaxxa Taqabi Katasak Kaxxa Awqenti Gala Lem Kee kalah baad tellemmo elle rakittam gersi baaxooxah meqe fayxi.

Tah Elle Tekkem baddi Forda Le Baaxoxa tellemmo, geopolitical kee Dariifah fayxitteh addat curriino luk taamitak, ken Dariifal cayli Inkigid Akkiyya dacrisoonuh cato takke.

Baddi Forda Sinni Baaxoxat Taafeh Tan Reebu Raaqisak Dariifa Lebdo Ginak Agat Tuxxiq Akah Dacrisan Innah Kaxxa Cato Le

Itiyoppiya Qasa Badih Afal Luk Sugte Doori Kee ikoytiinu Xayi Udduurih Aydaadu Tekke.

Aydaadul gitat ane sinni siyaasah margaqak ugutak baddi marso wayteek lakal, iroh tellemmoh taama cuggaane baaxooxah marsoosal Rakuh Tan.

Taham kulli sanatal bilyoonul loowimta dollaaritte teetik beyta.

130 Milliyon Takke Ummatta Le Itiyoppiya Baddi Gita Sinnim Agat Tuxxqitte Naqboytit Gabat Teetik Qiddem Kaxxa Aqayyare Tekkeh Sugtem Takkay Immay Isi Xayloh Macalal Akak Taturak Sugte.

Itiyoppiya elle geytimtah tan Qasa Badih Dariifa Baadal Kabxa kee Siyaasah Angaarawak Faxxiimta Dariifa Kinni.

Tohih taagah isi Baddi Gita Leh tan baaxo, Dariifa siyaasaay,Qidaddo kee amni caagiidal xongolo kee lowsis le baaxo takkem faxximta.

Itiyyobiya Agat Fayxi Yassakaxxeenim kee Sitaluk Daddos Mabla Ogolta Salaam Walalal Inkih Tan Esseroorah Gacsa Faxxa.

Itiyoppiya Baddi Fordal Esseram Qadli Esseroy 130 Miliyoonih Ayyuntak Sarrimaane Madqimta, Baaxo Kinnuk Dadalaay, Leedaay, Mano Kee Agat Fayxih Essero Kinnim Qaddoosen.