Dariifa Qidaddok Dadal Fanteena Itiyoppiya
Addis Ababa,Kaxxa Garabluk 9,2019 (FMC) Baadak Maaliyyah Egla (IMF) Frenji Liggidak Sanat 2026 Wagsiisak Baxxaqsen Qidaddoh Cubbih Reportik Ugutak itiyoppiyak Amolladi baaxoh Addah Murti (GDP) Dadal 9 Ximmoy 2 Gaba Booluk Yakkem Yescessen.
Tah Yaanama baaxo Sissik Qidaddo Dadalal Geytimtamak Kalah Dariifa Qidaddok Lafale Fanteenah Tanim Tayballe.
IMF Reporti Elle Yascassennala Itiyoppiyak 9 Ximmoy 2 Gabah Dadal Cuggane Baaxoxay Tonnah Ayro Mawqah Afrikah Qidaddo Lih Qalalisanwak Kaxxam fayyole Caddo Lem Kassisen.
Ta Fanteenah Oyta Rakiibo Abak, Itiyoppiya Sanat 2026 Taskuttube, Dadal Sacarak Gubal Tan Madduurul Qabursi Baaxooxa Taskuttubeh Tanih Iyyak Kaxxaam Fula Allele.
Gabbi Afrika Boolul 1 Gaba, Nayjeeriya Boolul 4 Ximmooy 2 Gaba, Angola Boolul 4 Ximmooy 4 Gaba, Tonnah Keeniya Boolul 4 Ximmooy 5 Gabah Dadal Askuttubeloonum Yiysixxigen.
Tamaha Lih Itiyoppiya Ta IMF Mekeelissoh Gabbaaqu Rakiibo Abak, Askuttubele Axcuk Qambaalaanah Yaniinimi Boolul 9 Ximmooy 2 Gabah Dadal, Itiyoppiyah Doolat Daffesseh Tan Boolul 10 Ximmooy 2 Gabah Dadalih Mekeelisso Lih Kaxxaam Sittat Xayi.
Aham Baaxok Makro Ekonoomi Maysaasah Pooliisitte Kee Abnisso Gitah Tanim Taybulle.
Naharsi Malak Dr. Abiy Acmad Baaxo Fayxi Kee Xayyoosiyyi Gabbaaqu Adda Xer Le Ugutma Akak Abak, Itiyoppuyah Maddur Ta Farangi Liggidal Boolul 10 Ximmooy 3 Gabah Dadalih Innah Tanim Dadalelemit Yaabeh Yen.
Naharsi Malak Dr. Abiy Acmad Tama Yaabal:- “Ta Dadal Afrikal Kaxxaam Nabam Kee Sissik Dadal Kinni Axcuk, Edde Nardeh Nan Sissikaane Missah Yanim Akak Nismiteh. Takkay Ikkah, Uxih Mangim Nek Raqtam Kee Taamitnam Nek Faxximta Mango Caagiida Tan” Axcuk Baxxaqse.
Ta Meqeh Tan Maddur Xalot Buqre Langil Takke Murtisso Maysaasa, Dijital Itiyoppiyah Istirateejih Abnissooy Tonnah Nabah Yan Itiyoppiyak Asqassaabe Karawwadih Innah Tan Kaxxa Cuggaysoosa, Kaxxa Doori Le.
Baaxoh Addah Ikraaro Kee Afa Baaxoh Fanteenitih Mekeelissoh Sittat Xayyoowtama, Itiyoppiyah Mango Tuxxiq Lem Kinnuuk, Baad Caddibnih Gaddaloola, Baaxok Qadaaga Kee Maddur Sabhalal Leh Taniimil Kibal Akah Yallen Innah Abta.
Gersi Katuk, Pooliisih Abnissoh Kibal Diggoysak, Ossetinah Irok Saanih Investimenti Harigoonuh Maftacak Yan Qokol Aba.
Amolladih Ta Sissik Maddur Dadal, Itiyoppiya, Leh Tan Maddur Miiraciinu Diggossam Kee Qimbisseh Tan Dada Safar Bisoh Akah Intannah Diggossa.
#Itiyoppiya #KaxxaBaaxo #KaxxaUmmatta #XerMabla