Diggale Baddi Caylih Qande Agat Tuxxiqih….

Addis Ababa,Diteli 3,2018 (FMC) Itiyoppiya Geopolotikah Daffeyna Kee Aydaadu Le Baddi Guddussol Tamixxige Baaxok Sugtem Takkay Immay Tature Soddom Sanatih Addat Baddi Affafak Yeydereenim Agat Tuxxiqil Kaxxa Aqayyare Tekkeh Sugte.

Takkay Ikkah Awayih Uddur Baad Baddi Angagoyyitte Kee Qidaddoh Amni Wagittaamal Addah Yan Ceddeh Tan Milaagi Doolat Itiyoppiyak Baddi Cayli Qagitaak Fooca Fanah Gacseeh, Baddi Caylih Itiyoppiyak Agat Fayxi Leeh Aroocal Dacrisoonuh Kibal Le Dudda Ginak Geytimta.

Itiyoppiyak Baddi Cayli Itiyoppiyah Liggidih Loowok 1948 Xissimem Kee Afrikal Xex Udduruh Xissimte Baddi Cayla Le Baaxoak Tiyak Tiya Kinni.

“Yookome Haylesillase Baddi Cayla” Migaq Luk Suge Baddi Cayli Musowwaq Firdal Xissimak 1950 Dumaahi Doolatak Nugusiyyo Xintimah Gubat Xiinak Sugte.

Amoytiini Itiyyobiyah Baddi Caylih Aydaadi Elle Qadosennalaay Xissimtewak Lafale Dirki Qasa Badih Qaxih Xaqul Madabiinoh Lowsis kee Fokkaaqo Abak Sugteeh, Kaak Lenna Amri Addis Ababa kee Musowwaqak Sugte.

Kalali Qandeh Oyti Elle Qaddosennalaay Woowak Itiyyobiya Qasa Badih Addal 1 Alfi Kilomitirih Xexxaaral Sugte Dariifa Hinnay Baad Caddol Dagga Raqtam Diggosse Baaxok Sugte.

Takkay ikkah 1983 doolat milaaguk Amakkaquk ityoppiya baddi marso waytewak Baddi Caylih Saami Finqitanamat Yemete.

Ta Institute Sidica Tabna Sanootih Gideh Itiyyobiyak Kalali Qandeh Exxat Gacekkak Suge.

Faxenal, Tabsi Doolat, Qasa Bad kee Hindi Baddih Xaqul Geytimta Kaxxa Caylale Baaxooxah Fanal Yanih Yan Anaakar kee Itiyyobiyak Agat Fayxiiy, Itiyyobiyak Baddi Cayli Kalali Caylih Exxah Maybalaalaqa Ixxima 1100/2011 Xisen.

Baddi Cayli Itiyoppiyak Tellemmo Doonikitteh Amaana Dacrisak Itiyoppiyak Agat Tuxxiq Dacrisak Lee Gititte Dacriselem Dibuk Hinnay, Dariifal Boodeh Yan Qarkakisiyyih Bohoyut Kalalitoonuh Kaxxa Doori Le.

Baddi Caylih Saqalah Yan Rear Admiral Kanu Guseo Elle Iyenal Ta Institution Qaskariyoh Bica Dadlisaanam kee Isi Maqarosanamal Meqe Taama Abak Geytimaanam Qaddosen.

Baxsaluk Itiyyobiyak Baddi Cayli Hangi Kah Yecem Duddale Sahdayti Caylih Daddosuy ,Daddos Xisne kee Qasri Baddi Cayli Dirki Abinosuh Faximtah Tan Mihratleela kee Saqolti Amrutak Geytima.

Baddi Qandeh Faxxima Daddos Kee Baxaabaxsale Leeh Addat Geytimta Qasri Teknolooji Kee Silaacitte Akah Kibbimtannah Abak Geytimaanam Kee Doonik saay dacrisaanamak kalah qaskar baddi booxal saay dacrisoonuh qeebi dudda kee Esterateji gulgul xisak geytimaanam warsan.