Doolata Itiyoppiyah Salam Dacrissuh Dumaak Baxsale Bical Geytimta-Naharsi Malaak Dr Abiyyi Acamd
Addis Ababa,Waysuk 30,2018 (FMC) Naharsi Malaak Dr Abiyyi Acamd Itiyoppiyah Muddaqiinot Intican Takke Caagida Temetek Baaxo Muddaqiino Dacrisoonuh Dumaak Baxsale Bical Geytimam Qaddose.
Ummattah Awlaytiitih Malah Buxak 5Heele Taama Liggidak 30 Heele Madabiino Koboxul Naharsi Malaak Dr Abiyyi Acamd Mala Buxah Adoytit Ugusse Esserooral Raddi Gacise.
Naharsi Malaak Dr Abiyyi Acamd Yece Raddil Iyyemihi :-Piritoriyal Yekke Salaam Sittin Geyik Lakal Tigray Rakakayal Yani Doolat Xiseenim Yescesse.
60Alfik Daga Takke Gaaduleh Qokol Abak Silac Obisak Ummatta Fanah Akah Gacan Innah Abeenim Yiysixxige.
Tama Sittin Gey Tigray Ummattah Oftooy Yekkeh Tiggiriqeh Sugte Rakiibo Daddositte Akah Gacisan Innah Abeenim Yiysixxige.
Tigray Rakakayal Salamat Gexekalit Akkuk Geytimta Caylitte Isinni Buxah Marak Baali Addis Ababa Baali Iro Baaxoh Rubeenih Yaninim Yescesse.
Tigray Rakakayal tangicille Butta Away Fanah Mango Carbi Xaw Gabbatak Geytimtam Qaddose.
Tigray Qunxaaneyta Qasbo bukkuseeniih Suudan caylat limmoysenIm Ascassuk Ta Qunxaaneyti Ulim Akak Axigewan Carbit Roociwak Geytimanam Baxxaqise.