Dooroh Innah Tan caagiidah Mangaffa Rettimaamih Doori Kaxxa Caddo Le-Innat Alem Melles

Addis Ababa,Laqin Alsa 12,2018 (FMC) Dooroh Innah Tan caagiidah Mangaffa Rettimaamih Doori Kaxxa Caddo Lem Doolat Angaarawih Affafih Malaak Innat Alem Melles Qaddosse.

Itiyoppiyak Xaagi Affaf Kee Itiyoppiyak Sivil Ayyuntih Exxah Mirac “Dimokrasih Dooroh Assakatah Managgaffa Rettimaamih Doori” Iyya Ammontal Bicisen Gudgud Adama Magaalal Gexsitak Geytima.

Tama Gudgudul Iyeenimih Dimokraasi Kee Qadliino Le Dooro Akah Takkennih Masquliyyat Kulli Mara Wagitta Abto Kinnim Baxxaqsen.

Doolat Angaarawih Affafih Malaak Innat Alem Melles Intemihi Dooroh Innah Tan caagiidah Mangaffa Rettimaamih Doori Kaxxa Caddo Lem Tescesse.

Mangaffa Rettimaami Agat Inkittinaane Bicisanamay,Ayyuntak Siyaasa Gabah Assagolla Dadlisanamay,Esserimiyya Le yan Siirat Ginanamih Luddal Kaxxa Dudda Lem Mangaffa Rettimaami Kinnim Qaddosse.

Kalah Tonnah Baaxo Dadalay,Ayyunta Yaysixxigenih yanin Daddos Caagidal Geytime Sinnih Yan Doori Lem Asacssuk Baxsaluk Dooroh Innah Tan baaxok Lafa Lafale Leh Tan Caagidal Mangaffa Rettimaamih Doori Kaxxa Fayyo Lem Tescesse.

Dooro Gexso Qadliinoy,Esserimiyya Leh yan Gital Kattatak Salaamay, Dimokrasiy Aamantina Leh tan Dooro Akah Takkennah Isinnil Yan Masquliyyatak Akah Yawqen Innah Qaddosse.