Dr Gediyon Temeteos Zimbabawi Kee Beninik Iroh Caagidah Maloktit Lih Walale
Addis Ababa,Ditelik 21,2018 (FMC) Iroh Caagidah Malaak Gediyon Temeteos Zimbabawik Iroh Caagidah Malaak P/r Amon Murawir Lih Walale.
Tama Walalal Itiyoppiya Kee Zimbaabewe Maqarle Aydaadi Namma Baaxoh Angaaraw Leh Tan Baaxooxa Kinnim Kee Afrikah Inkiinoh Inkiino, Pan-Afrikaanizim Kee Kalah Tan Baad Caddoh Caagiidal Sittin Mabla Leh Tan Baaxooxa Kinnim Yiysixxigen.
Namma Baaxoh Angaaraw Baxaabaxsa Le Luddal Sitta Lih Tabsen Qokol Sittin Gey Abbinoysoonuh Sitta Lih Lon Maloktit Komishin Gexsoonuh Sittin Gey Abeenih Yaniinim Qaddoosen.
Ta Bisluk Dr Gideon Temeteos Benin Baaxok Iroh Caagiidah Malaakah Yan Korinne Amory Lih Namma Baaxoh Angaaraw Fooca Fanah Diggosaanam Elle Dudda Caagiidal Walal Abeh Yanim Yescessen.
Ta Walalal Malaakitte Namma Baaxoh Fanal Ahak Afal Yekkeh Yan Sittin Gey Abbinoysoonuh Mabla Tabsen.
Iroh Caagidah Malaakih Oyti Elle Yascasenal Benin Itiyyobiyak Artifishaal Intelejensih Luddal. Abak Raag Beytuh Fayxi Lem Tescesse.
Tama Walal 49 Heele Afrikah Inkiinoh Eglak Taama Selta Malah Buxah Koboxuk Xaqut Gexseenim Baxxaqsen.