Gadbo Xalootuk Buqre Luddih Xaloot Qafar Rakakayal
Addis Ababa,Pagumme 4,2018 (FMC) Itiyoppiya Maaqiddi Amobaxxaqa Isik Akah Diggossannah Buqre Luddal Baar Le Daddos Taamomi Abak Geytimta.
Ta Buqreh Daddosih Uguugus Fanak Itiyyobiya Maaqidda Dudda kee Dadalte Baaxo Takkuh Naba Mabla Luk Qimbisen Gadbo Xalootih Taddera Taddera Tiyak Tiya Kinni.
Ta Tadeerak Hadaf Inkih Tan Maaqiddi Caagiida Diggoosaanam kee Baaxo Xayloh Maaqiddi Yaysiiseenimiy Baxsaluk Cadooy, Canay, Naalaay, Dorrahiiy, Kee Malab Murtih Hangi Cayuk Taamitanama.
Naharsi Malaak Abiy Acmad 2015 Gadbo Xalootih Daddosih Gaadu Qimbise Wak Elle Yescessennaha Ta Taddera Buqreh Xiinaay, Dacarsittoh Xiina Kee Madruura Tasgoorowe Holhol Kinnim Yescesseh Suge.
Duddaleeh Maqar Le Maqidda Geyaanam Xiqsissa Amolladih Maqiddak Isinni Duudanama Baaxo Muddaqiino Lih Saanih Yan Angaaraw Leemit Yaabe.
Gadbo Xalootih Taama Qimbiseenim Kee Ila Taham Fanah Duddale Xalotitte Tunkuttubeh Tanim Tambulle.
Yiysiseenih Yanin Laahi Samaday Tonnah Qasriino Le Saqitte Qaafiyat Baarisanam Kee Saqi Maaqoh Xayyos Baarisak Canti Murti Nagay Akah Osannah Abte.
Qafar Rakakayal Akkuk Geytimta Gadbo Xalootih Taddera Saq Kee Kullumtal Yambulle Xalu Baahak Geytimtam Yescessen.
Qafar Rakakayak saq Kee Kullumti Daddosih Biiroh Saqal Ibrahim Macammad Iyyemihi :-Saq Kee Kullumti Gaddi Rakakay Caddo Kee Baaxoh Caddol Qidaddo Dadalah Kaxxa Doori Digirak Geytimam Qaddose.
Rakakayal Gadbo Xalootih Taddera Cadooy,Laana Kee Kullumti Murtih Baxsale Hangi Cayuk Taamitak Geytimanam Kassise.
Tahak Ugut Abak Sanat 2018 Mizaaniyyat Liggidal 660 Miliyoonih Litirih Can Yamtutoonuh Ekraarisak 627 Miliyoonih Litir Can Murtiseenim Yiysixxige.
Gersi katuk 181 milyoonih naala murtussuh ikraariseenih yaniinim 172 milyoonih naala murtuseenim qaddosen.
Ossotinah 935 Ximmoy 16 Ton Takke Dorrahi Cadoy, 1 Alfiiy 920 Ton Yakke Malabay,Tonnah 2 Alfiiy 960 Toon Kullumuy 11 Alfiiy 36 Takke Cadooy Yamrutenim Duudumtem Gifta Ibrahim Qaddose.
Rakakayak Dacarsittoh Xiina Kee Garab Dacarsittoh Xiina Saqi Murtil Tayse Milaagu Akah Geytannah Qimbisen Taamomi Diggosak Foocah Heloonum Yiysixxige.