Galli Maroh Egla, Tossookooteh Tan Naharsi Malak Dr. Abiy Acmad MIraaciinu Kee Itiyoppiyak Daddos Xalootitte

Addis Ababa, Qasa-Dirrik 22, 2018 (FMC) Naharsi Malak Dr. Abiy Afrikak Daddos Ajendah Sissikaaneh Katuk Abak Geytima Macal MIraaciini Dudda Akak Assakat Lem Galli Maroh Eglak Afrikak Ekonoomik KOmishinik Naharsi Saqal Kilaver Gatet Qaddoose.

Tama Saqal, Itiyoppiya Rosqa Milaagu, Dipilomaasi Taama Abeh Yanim Assokootuk:- Baad Caddibnal Rosqa Milaagih Kobox Akah Arcibissannah Doorimtemi, Qaran GUbal Kaxxa Masuuliyyat Kinnimit Yaabe.

Itiyoppiya Rosqa Milaagih Abnal Naharal Hangi Akah Tece Daddos Ajendaadi Lih Missoosiyyal Leh Tan Abak Raaga, Ta Aydaadu Le Kaxxa Xalootu Fan Tet Baaheh Yanim Warse.

Itiyoppiyal Assakat Le Xalootitteh Fanak 48 Biliyoonuuk Dagah Yakke Coox Daabiseenim Kee Baad Caddibnal Kaxxaam Nabah Akak Iyyan Anxarin Raatih Taddeera Kaaduk Tiyakteyna Kinnih Tanim Yescesse.

Rosqa Milaagu Kee Sarrimaane Le Daddos Taamoomi, Afrikah Baaxooxa Lih Sitta Qokoltah Tan Abto Kinnim Yiysixxige.

Afrikak Daddos Macal, Boolaateh Yan Baad Caddibnih Maddurul, Maaliyyah Taqabi Kee Geopoletikal Taqabitteh Addat Taturak GEytimam Ascassuuk, Ta Taqabitte Tama Qarangubah Bica Le Taddeera Soolissam Faxxiime Waytah Tanim Baxxaqse.

Afrikah Qaran GUbak Currik Tan Tellemmo Fanteena Edde Anuk, Dariifa Fantaaxaw Diggoysak, Tama Daddoos Xalootuk Kaxxa Doori Digirelem Qaddoose.