Gebetah Uguugus Itiyoppiyak Wacaysir Luddal Geysiise Xalootitte
Itiyoppiyak Wacaysir Luddal Gebeta Uguugus Ugut Abak Geytima Uguugus Qusba Weelo Inkih Tan Baaxoh Caddol Ayballayuk Geytima. Aydaadu kee Ginoh Arooca Dumah Elle Sugte Innak Maxxatle Mexxat Le Gurral Qusba Daddos Xisney,Qusba Wacaysir Arooca Fanah Milaagimte.
Gebetâ Cugaysoosa Baaxoh Addal Wacaysir Doorititte Baarisak Mango Baad Caddoh Dariifal Sabhalal kee Qadaagah Fanteenani Xisak Baaxoh Addal Baarle Taama Saami Ginteh Geytimta.
Ta Cugaysoosa Baaxok Adda kee Irol Geytimta Itiyoppiyah Xaylok Saanih Culenti Qokol Akah Takkennah Abaanam Agat Inkittinaaneh Asta Kinnim Qaddoosen.
Addis Ababal Tekkeh Qaxmaqaane Leeh Inti Ruffa Hayta Pirojektitte Entoto kee Sheger Parkitte Nummah Abak Sanat 2011 Qimbisen “Gebeta For Sheger” Tadeera Qimbimte.
Tama cugaysoh gexsit “Gebeta Le Hager” cugayso 2012 liggidih addat rakaakayittel fiddinowteeh, Gorgora, Wenchi, kee Koysha deqsitta kaxxam nabaah, kaxxam mexxat le ginô qaynat bicisen.
“Gebeta Le Hager” Tadeera, Baaxoh Caddol Qusba Arooca Dadlisak, Agat Caddol Wacaysir Luddi Milaagimak Geytima. Too taddiirah gubat dadalteh tan cugaysoosa agleh hangisso abinah daffesse.
Gabbi Qaxih Itiyyobiyal Dooqaysen Arba Minchih Konferensih Arac Addis Ababak Iroh Konferensih Wacaysir Baarisaanam kee Abbay kee Chamoh Kalittel Ginô Qaxmaqaane Akah Yasgalen Innah Qusba Mafdaga Fakkinte.
Amaarah Rakaakayal Xissiimeh Yan Logo Kalih Resort 13.3 Hektaar Takke Baaxoh Addal Qasri Ayfaafayitte Kee Heliport Lem Kee Kilbatti Qaxih Ni Baaxok Wacaysir Gititte Akah Tasgallennah Abak Geytimta Muhimmik Tan Fanteena Tekke.
Qafar Rakaakayih Addal Geytimta Niqin Lee Palm Spring Lodge Awash Agat Barkil Geytimta Ginô Laqin Raceenaani Kee Baddi Qaxih Aracal Geytimta.
Denbi Eko Loj Gabbi Ayro Mawqah Itiyyobiyak Bekaa Buni Caxaaxuwih Xaqul Inkih Baaxoh Addah Raceenaanit Xisen Sarimale Eko-Loj Kini.
Inki Rakaakayal Geytimta Halala Kela Resort Gersi Qajiibik Yan Ceelalloh, Gibe Sidiica Artificial Badih Qaxih Addal Xissiime.