Gita Maliino Butta Ciwaacat Qunxaneeyti Niya Finqissuh Abta Safar
Addis Ababa,Ximolik 8,2018 (FMC) Inki Ayyuntih Manooy,Qaago Kee Yamaate Waktih Saami Elle Yamizzineenim Qunxaaneytak Taama Gulgulussoy,Hadlisso Dudday Tonnah Baaxo Tayse Caddo Fanah Beyoonuh Yabluusen Cayla Kinn.
Tigray Ardil Laakin Ta Gino Numma Korak Qunxaaneyti Carbi Gadda Akkuk Abbobti Kaadu Isinni Xayloh Raysa Oggolak Isinni Xayloh Magaq Abak Geytiman.
Isinni Rakakay Qiloh Tangicillem Celissa TPLF butta tigray qunxaaneyti samad baysi gexsitit qagitaak culsaanam abtah tan uma abtoota ayyunti misinkacaay, qidaddo kee ayyuntiinoh rakiibo kaxxa taqabi kataasak geytimta.
Ta Butta Kuliwak Isi Cayla kee Cankâ Fayxi Dacrisoonuh Meysi kee Xakakwayih Aydaadut Antifiquk Qunxaaneyta Barittooy, Hadliyyaa kee Buqre Fooci Diiltal Beyaanam Baacah Ayyuntal Bool Sanootah Tigray Ummattal Xayyosseh Tan Baacah Fanah Akah Gexan Innah Abak Geytiman.
Ta abto dibuk qunxxaaneyti niya yargiqeenim hinnay beera tigray miroctiiy, mahandisittee kee daktoorittek naharat Finqisanamih Abto abaanam kinni.
butta caylih cogdaadi qunxaaneyti qeebi kah dirkissannah kaxxam cubbileemih taagah qeebi sinni buxah marah ayyuntiinô ayfaafayitte ganaanam kee baxsaanam rakaakay ummaan wak margaqah addat yaniimih dirab xaagitte baxcisaanam kee catotta kee rakiibô xayyoositte dibuk gaadule buxah marah naharsiino yaceenim qunxaaneyti doorit sinnim cabaanam edde anuk. tah taybulleem tet umaaneh caddo.
Ossotinah ta digloytah gexsit Tigrayal kataase qidaddo kee ayyuntiinoh diglo sahlinuk massowtam kee qunxaaneyti mesenkaca digloytah biyaakitak geytimam kee carbi booxaaxih liggiditte kee dibuk girah caylat yaamineenim murti kee maqarluk taamitaanamih aftok Qunxaneyta finqissa.
Awayih uddur rakaakayak tellemmooy, buqre kee inxastarih sekteritteh caalat inki gabuuk finqiteeh, ummatta maytanih ayrook ayro faxximta Catol qekuh taniimi, dubuk ta butta isi sahdayti caylat dadalah edde tantifiqemik siyaasal kumaar dooritteemih Geytimta.
Meqe qaadâ caddooy, rammitleela kee kunnabna horaak horal tabtam faxxiimak sugteeh carbi propaganxah aracat gactaamih taagah rakaakay gabat luk salaamah xiinisaanam xiqaanah yaniinim kee duddale baaxô xaylo xayyoosaanam kaxxa qawwalaylah addat tan.
Toh tonnal anuk baad ayyunta kee baxa baxsale seehadayti baxi cakkih angagoyyitte tigray qunxaaneytal yakkeh yan caylih samlisso kee saykoloojih gutqo wagittaamal tibba iyyeenih ta butta uma abtootat bisoh iyyaanamal aydukumuseenih yaniinim warsan.
Ta waktil qunxaaneyti sinni mano miraacisoonuh bartaanam kee girah ximmol taamitaanamih gar kak waaseenih yanin wak abto qaduuk sadak caagidil faxximtah tan xukko akah aban innah abaanam tigray ummattal yakkeh yan finqa yamixxigeenim celta.
Tohih taagah, ta qaduuk tan seehadayti baxi cakkih taqabi baad caddol qaddoosaanam kee qunxaaneyti ta naqoosa kee rabi digaalak elle yawqen gita gorrisaanam awayih uddur sissik caagid tekke.
Elle cabol tama siirat gitaak iroh yan TPLF rabi siilik soolam faxximtaah tigray qunxaaneyti buttak dagoo mirocti gitaak iroh yan manoh reedal raaqe waytuh taamittam faxximta.
Rakaakay Qunxaaneytah taamâ arac takkuh, Rakaakay ayyuntaay, Diini abbobtiiy, aytî gexxo le numtin amoh mari “Ne Xiqtah !” iyyaanam faxximta.