Guubah Bissiratah Mablah Maybalalaqa
Addis Ababa, Ximolik 28,2018 (FMC) Itiyoppiyak Amolladi Daddos Mafdagoogik Lafale mafdaga Ayyuntak Rakiibo Daddosih Fayxiixa Kee Maqishat Gala Yaynukusenimi Qikkibow Doolatak Naharsittoh hangi Abak Taamitak Sugte.
Tahak Ugutak Doolata itiyoppiya Tayseh tan Qidaddo Caddo Fanah Beytuh Ekraarisse Mablooliy Guubak Bissiratah Tatrusse 30 Billiyonih Doolarat Nabah tan Cugaysosa Xisenno Iyyanamak Sugte.
Tature Alsah Naharsi malaak Dr Abiyyi Acmad Ummattah Awalytiitih malah Buxaak 5 Heele taama Liggidak 30 Heele madabiino Koboxul Geytimak Ugutte Esserooral Baar Le raddi yece.
To Ayro Qarwa Daddosuy,Rakiibo daddos Kee Qidaddoh Afkanittel Daffesen Hadafittel tekke Taamomi Kee Dadaal Afkana Qaduuk tascasse Abtok Sugte.
Tama Gudgudul 1 Milliyonuk Daga takke Qarwa Xissimelem qaddosak Taturte 7 sanootah Addat Dibuk Baaxoh Caddol 1 Ximmoy 2 Milliyonih Qarwa Xissimtem Kassiseh Suge.
Ta Abto Baxsaluk Ummatta qarwa Waytol Leh tan Esseroh Raddi Yacoonuh Abak Geytiman Maftacak tan Abto Tascasse.
Uxih Kinnih baaxoh Caddol Mangoh tan qarwa Akah Xisanah yanin Innay Ta qarwa Elle Xissimtuwayta Gurra Axcih Srii D (3D) qasriino Le Qarwah Cugayso baaxo Fanah Culak geytimtam To Aracal Yiysixxigeh Suge.
Mabla Racisanamak Ilaa Abto Fanah Culusanamal Abak Sugen Gexsitik Asaakih Ayro Maadeh yan caddo Wagsisak Taama fanah Akah Culan Innak Yaakume Afkan Asaakih ayro qaduuk Yiysixixge.
Taha Qarwa Xissuwaytah tan Cugaysoh Abuud Xayyos Kee Maliyyah Wayto Akah Raaqisan Innah Abeenih yanin Sittingeyik Xalu Asaaku baxxaqse.