Hadlata Mesenkaca Kee Taamitta Gaboobi Baaxo Xisnek Rakiibo Kinni-Addis Ababah Magaala Xinissoh Saqal Adanesh Abebe

Addis Ababa Qasa Dirri 26, 2018 (FMC) Hadlata Mesenkaca Kee Taamitta Gaboobi Baaxo Xisnek Rakiibo Kinnim Addis Ababah Magaalah Xinissoh Saqla Tan Adanesh Abebe Qaddosse

Addis Ababah Magaalah Xinissok Taama Kee Duddi Biiroh Kobaahissol 16haytoh Addah Magaalah Caddol Mettaabanu Kee Mihrat Ayyam Teknoloojih Dadalay Agat Biso Maxco Inta Radmol Araaxa Parkil Fakkenti Taddeera Gexisen.

Addis Ababa Magaalah Xionissoh Saqalah Tan Axaanech Abebe Tama Aracal Inteemih Xayih Naharsi Malaak Abiyyi Acmad (Dr) Afrikah Eglak Aritfisaal Intellijensih Kee Xijitaal Qaafiyat Luddih Saqal Akkuk Reediseenim Ityoppiyah Aluddal Ayballayuk Geytimita Assakat Le Xaloot Kinnim Yeacessen.

Baaxo Agat Xayloh Macalal Xissimtam Ascassuk Mettaabanu Kee Mihrat Qidaddo Dadal Kee Industri Tabaatabsak Rakiibo Kinnim Baxxaqise.

Ahak Dumal Iro baaxok Mangoh Yan Awqenah Ayyaaquk Culsak Sugen Murtisso Away Baaxoh Addal Mettaabbinu Kee Mihrat Aydakaakanih Fantenaanil Amratuk Geytimaanam Qaddosse.

Murtisso Baaxoh Adda Dubuk Hinnay Baad Caddoh Qadaagah Qalayli Abak Iro Baaxo Fanah Ruboonuh Hangi Akah Acyuk Taamitak Geytimaanam Baxxaqsen.

Baaxo Xisneh Hadlisso Le Mesenkaca Kee Taamitta Gaboobi Kaxxa Doori Lem Ascassuk Mettaabbinu Kee Mihrat Kollijitte Abbinoosak Geytiman Taamoomih Mamaxxaga Yaceenim Faxximtam Yescessen.