Hawaash Weeqaytu Qawwalaylak bohoyuk daddos fanah Elle Milaaganam Duudan Walal Gudgud Gexswn
Addis Ababa,Waysu 22,2018 (FMC) hawaash weeqayti adda kak Gacah yan daqooritik xintoh abbobti kee buqre kee ginô gaddih daddoosih maktabitte saqolti luk Hawaash Weeqaytu bohoyuk daddos fanah milaagaanam wagsiisah yan walal Gexsenim Qaddosen.
Qafar Rakaakayak Efeq kee laqin dariifah daddoosih biirok Naharsi Saqal Injineer Walaq Witikka Gabbi rasih gubal geytimta hawaash weeqayti adda kak Gacah yan daqooritik xintoh abbobti kee buqre kee ginô gaddih daddoosih maktabitte saqolti luk Hawaash Weeqaytu bohoyuk daddos fanah milaagaanam wagsiisah yan walal gexse.
Hawaash weeqaytu umman bohoyuh yableenim hinnay, yan saamit yantifiqqimeenim wagsiisak,baxsa luk efeq buqrê fanah culaanam kee duma sugeh yan jenereterik solaa inerji fanah korsaanam kee efeqit aban buqre baarisaanam wagsiisak walalen.
Kulli waqdi karma amaatinnaanih uddur weeqaytu bohoyuh yableenim hinnay daddoosu fanah korissa heenih elle taamitaanah, kaadu siraglelee kee wohut finqitak sugtemi solaar inerji fanah korsaanam kee foocâ fanah takkeh tan taamoomi wagsiisak baar luk walal gexsen.
Awakih Uddur Baad Caddol yanin yan Siragle Lee taqbiik Gexxaamah Buqraabat Booddah tan Adafitte Raaqisoonuh Doolat Meqem Abittoh Eglaali luk Cattiimak Buqre leeh Kaanalitte Soolar Fan korisak Geytimam tamixxige Axcuk Rakakayak Doolat Affafih Angarawih Biiroh Oyti Yascasse