Inxastarih parkitte saytun elmô kalah guddaafa saffossaamih dudda taallem faxximtam Yescesse-Dr Abiyyi Acmad

Addis Ababa,Qasa Dirri 7,2018 (FMC) Industirih parkitteh Xalootut Edde Yantifiqen Caylat Dibuk Hinnay Inkih Tan Guddaafah Aydakaakan Akah Takkennah Abaanam Faxximtam Naharsi Malak Abiyyi Acmad (Dr) Qaddoose.

Naharsi malaak Abiyyi Acmad (Dr) Itopiyak Brodkast Korporeeti luk abe walalal elle qaddoysennal; too inxastarih parkitte xaloot le, ken wasak leeh dayla kaxxa hangisso.

Itiyyobiyah Sanaqatooti Tah Hangit Haak Wasak Leeh Saytunnos Siirat Fayale Caddol Abtol Asiseenim Qaddosen.

Naharsi malaak elle yescessennal Mangoh tan Itiyoppiyak Industirih Parkitte Saytun Elmot Antifiquk Geytimta; ossotinah, usuk baxxaaqiseh too sekter saami lem nagay dudda le sahdayti gadda ossimta wak.

Tah Sanaqatah Daddos Dariifa Dacayri kee Teknolojit Antifiqquk Angaaraw Lem Xiqsissa Axcuk Yesceseh.

Wasak le murtitte meqennal gexisak saytun caylat yantifiqen sanaqatooti baad qadaagah qalayli akah aban innah dibuk hinnay sarrimaane kee dariifah bicale qidaddoh dadal akah geytannah kaxxa doori digirtaamih taagah elle sugeenih yanin waktil qaddosen.