Iraan Lih Abne Carbi Sooloh Sittin Gey Gaba Kaleh-Prezdenti Trump
Addis Ababa,Diteli 1,2018 (FMC) Prezdenti Donaldo Trump Iraan Lih Aben Carbi Sooloh Sittin Geyih Caagid Gabakalemit Yaabe.
Prezdenti Trump Yekkeh Suge Salam Sittin Gey Finqitem Namma Katuk Girah Ugra Maysattaka Sittat Abeenik Lakal Kinnim Qaddose.
Turkil Gexsitak Geytima Kilbatti Atelntikak Carbi Xagana (Nettoh )Koboxul Prezdenti Trump Abe Yaabal Iraanak Bici Makadoh Suge Mara Yessecekke.
Iraanak Bica Aba Elle Yessecekke Farmol Iyyemihi Sitta Elle Yaamineenim Duudewan Caagida Tanim Kassise.
Namma Katuk Qimbiseenih Yanin Sittin Gey Foocah Haanamih Fayxi Lem Ascassuk Laakin Ta Caagid Wakti Bayisam Akkewaytek Xaloot Bahtam Akke Sinnim Yescesse.
Hormoz Tabeenal Sugte Sidoc Takke Makaayiniy Siragle Lee Quukih Doonikittet Maysattaka Tekkek Lakal iraanak 80 Daga Takke Maysattakooki Tekkem Qaddose.
Ta Maysattakah Raddih Iran Kaadu Bacreen Kee Kuwetil Geytimta Qaskariyyoh Fanteenaanit Maysattaka Abtemi BBC Xaagih Raceenaani Tescesse.
Iraan Gira Sooloh Sittin Geyik Ciggilteh Axcuk Weeqeh Yan NATOh Saqal Mark Rutte, Ameerika Iraanal Abtah Tan Maqatta Faxximtam Kassiise.
Iraanak Caxah Abbay Bici Makadoh Saqal Isi Kabuk Iyyemihi Carbi Sooloh Sittin Geyih Waadot Taturtem Ameerika Kinnim Baxxaqise.