Iran Faxe Meysiisoh Gaba Mataca – Tama Baaxoh Parlaama

Addis Ababa, Qasa-Dirrik 06,2018 (FMC) Ameerikah Pirezdanti Doonald Tiramp, Iraan Fordaadi Asaakuuk Xabba Haanam Alfe Loonum Qaddoose.

Ameerika Kee Iran Fanti Maacih Carbi Soolisoonuh 47 Sanataak Lakal Paakistaanal Gexsen Foocak Faacah Aben Salaam Walal Tu Sittin Gey Sinnim Gaba Kaleh Yanim Tamixxige.

Tahak Ugut Abak Pirezdant Tiramp Iraanal Beyuwah Yan Amolladih Maaqatta Diggoyseloonum Yiysixxige.

Asaakuk Xabba Haanam Cormuuz Gital Takke Faxe Angagoyyitte Sooliseloonum Qaddoosak:- Tahah Kaaduk Ameerikah Qande Bicat Geytimtaamat Yaabe.

Tama Pirezdantih Yaabak Ugut Abak Baad Caddibnal Siraglele Limo Qagitak Inki Bermiilil 100 Doolaraak Daga Fan Fayya Iyyeh Yanim Warsen.

Iran Parlaamak Caxah Afteenah Yan Macammad Bagar Galibif Is Le Katuk:- Tehran, Ameerika Kulli Uddur Tatrussa Faxe Meysiissoh Gaba Ace Waytam Qaddoose.

Iraanak MUddaqiini Dacayri, Curmuz Gita Fan Xayyowta Carbi Maraakibit Faxxiima Maaqatta Beyeloonuh Bicat Geytiman Axcuk Yiysixxige.

Tama Baaxooxa Baadak Mafatacak Tan Siragleele Tabsiyyih Gitak Yan Cormuz Gitih Caagiidal Edde Culeenih Yanin Sittin Wayaak Ugut Abak, Siragleele Taqabi Lafit Luk Bisoh Axceleemih Bohoy Yanim Warsan.