Iro Tellemmok 8 Ximmoy 7 Billiyonih Dollarih Culenti Geytime
Addis Ababa,Laqin Alsa 6,2018 (FMC) Tellemmo Kee Dariifa Fantaxawih Malaak Dr Kashin Gofe Taturte 10 Alsih Addat Iro Tellemmok 8 Ximmoy 7 Billiyonih Dollarih Culenti Geytimem Qaddose.
Itiyoppiyak Tayse Qadaaga Buqre Murtittek Exporti Businessiy Tonnah Buna Kee Kataf Caddoh Mayyaqah Luddal Sidooca Alsih Gideh Aydakakanisak Sugen Mihrat Leela Asaakih Ayro Doqaysen.
Dr Kashin Gofe Tama Aracal Iyyemihi Tature 10 Alsih Addat Iro Tellemmok 8 Ximmoy 7 Billiyonih Dollarih Culenti Geytimem Ascassuk Ilaa Mizaniyyat Liggidi Gaba Kalam Fanah 10 Billiyonih Dollar Akah Gufusan Innah Taamitak Geytimanamat Yaabe.
Iroh Tellemmo Ixxiga Kee Duddat Miraacisoonuh Abaanah Yanin Macal Asaakih Aydakaakanissot Kaxxa Doori Digreloonum Yiysixxigen.