Itiyoppiya Afrikah Gadda Sittin Tuxxiqil Akah Asisan Innah Sittalluk Tamaitanam Faxximtam Kassisak Maftacak Tan Farmo Tatrusse
Addis Ababa,Ditelik 21,2018 (FMC) Itiyoppiya Afrikah Gaddat Sitta Lih Yantifiqeenim Faxximtam Kassisak Lafale Farmo Tatrussem Iroh Caagidah Malaakak Maxco Yabbixi Ambasadder Nabiyyat Getachew Qaddose.
49Heele Afrikah Eglak Taama Selta Malah Buxah Kobox Addis Ababal Gexsitak Geytimta.
Ambasadder Nebiyat Getachew Elle Qaddossennal, Tama Daffeynal, Inkiinoh Mizaaniyyataay, Maaliyyah Isih Isih Daddoosaanama Xisnê Milaaguuy, Kalah Tan Qarangubal Tan Caagiidal Walal Gexsitak Geytimaanam Qaddoosen.
Iroh Caagidah Malaak Dr Gideon Timothy Tama Daffeynak Fakkental Tatruse Farmol Iyyemihi :-Tama Egla Aakam Akah Yacenim Faxximta Caagiday Maaliyyak Isinnih Isinni Elle Duudan Caagidal Mabla Daffesenim Yescesse.
Ta Eglah Baaxooxa Adoytit Mizaaniyyat Isini Duddal Akah Yaybulleen Innah Abaanam Faxximtam Farmo Tatruseh, Tohih Taagah Inkiino Isih Xiinissam Kee Qarangubal Daddos Ajenxaaxi Duddal Akah Abtannah Abaanam Faxximtam Yiysixxigen.
Afrikak Salaam Kee Nagayniinay, Qidaddo Kee Ayyuntiinô Daddoosih Wagsiisaak Mango Naharsiino Lem Kassisak, Itiyoppiya Afrikak Gadda Sitta Lih Taamitoonuh Sitta Lih Taamitaanam Faxximtam Ta Gudgudul Farmo Tatruse.
Ta Daffeynal Mizaaniyyat, Maaliyyak Isinnih Isinni Dudanamay, Rakissoh Milaagu Wagittaamal Yekkeh Yan Walal, Eglah Dudda Diggoosah Yan Sarrimaanele Maaliyyah Rakiibo Ginta Margaqooqi Fanah Gexele Axcuk Qambaalan.
Ajenxa 2063 Afrikah Inkiinok Xex Waktih Daddosih Mablay Salaam kee Nagayniinay, Ayyunti Currik Angoyyay, Hawa Milaagi, kee Kalah tan Qarangubal Naharsiino Edde Anuk Abbinoselonm Kassisen.
Afrikah Inkiinoh Daffeynal Daddos Ajenxaa kee Ken Abnissoh Gexsit Kusaq Abeloonum Kee Illacabo Margaqooqi Tatruselon Axcuk Qambalan.