Itiyoppiya ceelallo takke Baaxo fan inta itrol asaaku leeda parti qokol soolo samara logyi magaalah xiinissol qaxmeqe gurral gexisen
Addis Ababa,Laqin Alsa 9,2018 (FMC) Samara logyi magaalah xiinissoh ayyunti leeda messoynah leh yan fayxi kee qokol saaku 12 saaqataak qimbisak baxaabaxsale itrooral ablaasuk maaciseen
Tama sooloh aracal Rakaakayak mango fayyale miraaciini elle geytimeeh
Tama qokol soolo gexiseh yan ayyuntih foocal geytimaak farmi tatruseh yan rakaakayak naharsi saqal massakaxxale Cajji Awwal Qarba leeda messoynah uddur tekkeh taniimik mangoomih adda fakoot abeeh
Xer udduuruh itooiyal demokraasih doolat xissimtuh mango itopiyah ayyuntittek naharat qafar ummattah esserok sugtem kassiiseeh
Demokraasih migaqle doolat xissimtem takkay immay aggaar migaqluk malak tutu angale sinni maray aracal qambaalaah mari akah madaqak sugnem kassiiseeh
Takkay immay qafar ummattah essero edde daabimteeh malissaah malisittaah inkigid akkiyal xissimte doolatiin edde xissiimem leedah udduur kinnim yubluuse
Asaaku qafar ummatta isih is xiinissaah fanteena doolatat madaqtaah madqisak isim isih koborak isi gaddat isih antifiquk marak qambalta madqa kee makko alle waytam yiysixxige
Marin gabat sugte qafar gaddittek asaaku marin gabat tu matanay gubaay dagah Qafar isim isi gabat lem yiysixxige
Ayfaf caddol qafar ummatta mango biroora akah meekitak mango taqabiik lakal agdube raxxe caagid inki fanteenal inki saaqatat akah aban innah koora inki fanteena biiroh xisak taqabekkal inki fanteenal affaafuk geytimaanam yubluuseeh
Saqi lakat yaaarre marakkah buqre akah mataguuda akak iyyan marah sugnem takkay immay buqrel abne taamalaway138000 hektaaraak daga takke baaxo buqret buulumteh geytimatam kee
Murti caddol 5 milyeniik daga yakke murti sanatal orbisak geytimaanam yiysixxige
Sinxey qafar baaxol matabuka akak axcuk sugeeni away qafar baaxok tatrusak iroh ruubaanamih caddo gufneh geytimaanam yiysixxige
Qafar Aggaarah akak sugtem dubuh siyaasa hinnay madduuruk edde aggaarah sugteeh wohuuk ugutak buqre edde takke maxaberiyaak xabba haanam ni Rakaakay afto edde luk masuginnaay away siyaasa hinnay madduuruk Qafar isi afto luk geytimta yiysixxige
Koraan ayfaf kaadu Rakaakay caddol 54% daga gufusaanam xiiqimtem yiysixxige
Tonnah barittooy leey qaafiyataay saqi gaddaay maqaadiniiy kalah tan mangoomul qafar duma edde sugte ceelok mangoomul dadalak temeetem kee tah edde tekkem inkih leedah uddur kinnim yiysixxige
Elle caboluuy qafar ummatta isil taysem kee gactam tittak baxissa ummatta kinnim ablaasuk qimbime dadal arac xaguuy ayyunti leedat yaffaafuuy baaxo gaddi le ayyuntah yakkuuy qafar ummattah migaq baaxooy baadal inkih maadeh yan caddook bisoh iyyuh qafar ayyunti leeda missoyna Doraanam faxximtaamih farmo taruse
Kalifa kadir