Itiyoppiya Kee Iraan Fantaxaw 75 Sanatak Xaqxaqa
Addis Ababa,Qunxa Garabluk 5,2019 (FMC)
Dumaahi Aydaadu Kee Qaada Leenah Tan Itiyoppiya Kee Iraan Fantaxaw 75 Sanatak Dagah Gideh Yan.
Aksumite Aydaadi Weelo elle tan Itiyoppiya kee Faaris Aydaadih fanteenah tan Iraan liggiditteh addat baxsa luk kabxaa kee qidaddoh luddal maqarle Ittalluk abit Akah Aban Innah
Naharsi Malaak Dr Abiyyi Acmad Tatre Ayyaamah Hindik New Delhi Magaalal Gexisen 18hele BRICS Daffeynal Iraan Pirezdantih Yan Masud Pazakhstan Lih Walal Abe.
Naharsi Malaak Tamakkel Tatruseh Suge Farmo:- Qas Badih Dariifal Tan Wakti Caalatitte Kee Amolladih Dariifa Caagidah Amni Wagittamal Maliteenih Sugen.
Tama Walal Akah faxixmem Dariifa Sabhalal Diggosanam Elle Duudan Cagiidal Maltenim Kassisenih Sugen.
Itiyyobiya Baddi Fordak Akah Taxxerennah Abeenim Afrikah Gaysal Salaam kee Xakakway Leh Tan Doori Diggoosuh Leh Tan Duddal Waado Lem Kinnim Yescesseh Suge.
Qasa Badih Dariifa Baad Caddol Lafa Le Kabxa Gita Kinnimih Taagah Dariifa Salaam Kee Saay Dacrisaanam Dariifah Baaxooxal Dibuk Hinnay Baad Caddol Kaadu Taqabi Kataaselem Baxxaqse.
Tahak Ugutak Qasa Badak 60 Kiilo Mitiril Geytimta Itiyoppiya Nakkay Naaxagah Waysiisen Qasa Bada Away Bad Akah Geytannih Caagid Manoh Caagid Abak Angagayyuk Geytimtam Kassise.
Namma mirocti abte walalih addat Qasa Badih Dariifak muxxi akah yeceen innah Itiyoppiya Dariifa saay ajenxak iroh raqtam duude waytam tascassem kee kaxxa tuxxiq Leemit Maliten.
Medemer doolatak iroh caagidah siyaasa: ityoppiya baxaabaxsa le baxooxalluk leh tan angaaraw agat tuxxiiqih naharsiino taceeh tan qeedaalissoh madqa katayta.
Ayroh Culma baaxooxaay BRICS adoytith Tan baaxooxaay, Afrikah waklentit kee kalah tan baadal tan baaxooxa lih abtah tan angaaraw sittalih taamitaanamal rakuh tan.
Namma Saqolti Abteh Tan Walal Itiyoppiya Faxe Ardi-Political Booxal Hirige kal Agat Tuxxiq Naharal Akah Yaceen Innah Milaagime Sinni Angaaraw Bisoh Axcelem Yiysixxigen.
Itiyoppiya namma baaxoh angaaraw kee mango baaxoh angaaraw leh tan angaaraw gersi baaxooxah faatica mafaxxa.
Berezixanti Massoud Pezeshkian, Gersi Katuk, Namma Baaxo Malcina Tabna Sanootah Fantaaxaw Sitaluk Sugtem Kassisak Uxi Kinni Namma Baqxoh Angaaraw Qusba Sittaluk abit Caagidal Bisoh Axcelem Qaddose.