Itiyoppiya Kee Kanada Buni Tellemmo Elle Diggossam Dudda Baad Caddok Buni Expa Fakkimte
Addis Ababa,Qunxa Garabluk 19,2019 (FMC) Itiyoppiya Kee Kanada Buni Tellemmo Elle Diggossam Dudda Baad Caddok Buni Expa Fakkimtem Qaddosen.
Tama Expat Itiyoppiyak Buna Rubta Maritteey, Kanaadak Buna Culussa Maritte Kee Bicissah Tan Marittey, Kabxah Ayyuntiiy, Bun Murtissoh Mihratleelaay, Diplomaatitte Kee Kalah Tan Wagiitah Tan Dagorti Edde Tengele.
Ta Expo Fakkente Wak Kanadal Itiyoppiyah Ambasadder Tewodros Girma Qadaaga Fayxi Kee Murtissoh Dudda Wagsiisak Itiyoppiya Kee Kanadah Fanal Saanih Buun Tellemmo Waado Lem Yescesse.
Ta Expo Baad Qadaagah Addal Itiyoppiyah Buun Ogolu Osisak Geytimam Dibuk Hinnay, Itiyoppiyak Buun Rubta kee Kanaadak Culsan Maritteh Fanal Yan Angaaraw Ossotina Diggoosuh Cato Lem Yiysixxige.
Kanaadak Bun Eglah Awlaytuh Tan Anna Mancini Tet Egla Itiyoppiyak Bun Rubta Mara Lih Leh Yan Qokol Fayya Le Caddol Taamitelem Kee Qusba Taama Saami Ginoonuh Taamitelem Qaddosse.
Itiyoppiyak Buun Rubta Maritte Kanadak Culussa Maritte kee Buun Biciseenit Lih Saanih Angaaraw Akah Aban Innah Abak Ta Mayballa Kabxah Illa Kabxah Angaarawih Saami Gintem Kinnim Iroh Caagidah Malaak Yescesse.