Itiyoppiya leeh gaddat inki gid takke xoqoyso wagittaamal leh tan mabla kee Masri rakiibo sinni Baatili
Addis Ababa,Ditelik 29,2018 (FMC) Masri Itiyoppiya Leet Tantifiqeemih Cakkit Taturak Itiyoppiyak Nabah Yan Asqassabe Karawwad Kee Abbay Leet Yantifqenim Wagssisak Awayay Takkay Rakiibo Sinni Malkit Xayyosak Geytimta.
Masri Qabbay Weeqaytut Dibuk Akah Yantifqen Innah Kalah Tan Baaxoxak Daddos Gaar Saddam Elle Dudda Hebelto Madqah Cakki Mali.
Booluk 85 Daga takke Qabbay Weeqaytih Lee Itiyyobiyak Ractam Takkay Imay, Masri Dibuk Aydaadi Kaltaxibixih Sittin geyil Rakitak Qabbay Weeqaytuk Kaxxa Dirab Daaranih Gar Ugusak Sugte.
Asqassabe Karawwad Akah Xissimewannay xisne qimbisseek lakal sissikuk Gaba Kalewaytih mango qaynatih giclo abtem tamixxige.
Takkay Ikkah itiyoppoyah Xayloh Macalat Xissimek Lakal Masri Edde Yantifiqe Cogdaadi Milaagak Karawwad Kaxxa Bohoy Yol Yekke Axcuk Weeqa Xayyosak Geytiman.
Xayih Itiyyobiyah Asqassaabe Karawwadih Sababah Addah Leeh Caddo Addah Hayte Axcuk Dirab Weeqa Xayyossa.
Ahram Online Masrik Lee Gadda Kee Buqre Malaakak Niil Weeqaytih Lee Sekterih Ciggiila Saqal Sameh Abdel Rahman Elle Qaddosennalaay Masri Karawwadal Geytimta Lee Caxit Kee Turbiin Xisneh Taama Kaxxam Lowsis Abak Geytimtam Qaddoose.
Itiyoppiya Renasans Karawwad Meqennal Xiinise Wayteemih Dirab Weekisah Yan Gabbaaqul Itiyoppiya Dirkih Yan Walal Fanah Culsaanam Masri Amnih Dibuk Yan Calli Kinnim Qaddosen.
Tamah kee kalah tan rakiibo sinni malkit Masri midiyah addal kak yamaatem qaahira ityoppiya lee gaddat xoqoysimtam kee dadlisak waasoonuh leh tan kaxxa fayxi kinni Asqasse karawwad dariifal tan faxe amni bohoy hinna.
Booluk 85 Gabbaak Daga Qabal Weeqaytih Leh Tan Itiyyobiya Qadlinaan Leh Tan Tabsih Radmoomal Tamine Gubi Baaxooxal Leeh Dagna Kataasak Geytimta Fayxi Mali.
Itiyoppiya anxaxin karawwad kee kalah tan cugaysoosa qabli weeqaytih catotta leeh caddo akah oobisan innah maqarluk taamitak geytimtam lee kee cayla malaak qaddose.
Takkay ikkah oyti elle yascassennal Masri Aswan karawwad kee Nasser Badih addal kaxxa lee kobxiseenah tanim Oyti Yascasse.