Itiyoppiyak Agat Tuxxiq Tuysukume Baddi Fordah Diplomasi
Addis Ababa,Ximolik 7,2018 (FMC) Itiyoppiya Aydaadul Mango Liggiditteh Baddi Fordah Leenak Sugteeh Baddi Cayla Xisak Angagayyuk Sugte Kaxxa Baaxo Kinnim Qaddose.
Takkay ikkah, aydaadi kee siyaasâ tekkookak gexxaamah, taturte sidiica tabna liggiditteh bad Sinni Baaxo Tekkeh Sugtem tamixxige.
Ta gino kee aydaadi gar wagsiisak baaxoh addah qidaddoh dadal agat caddo kee Dariifa caddol kaxxa taqabi kataasak geytima sirri kinni.
Takkay Ikkah Qikkibow Doolat Diplomasi Fayxi Diggosak Baaxok Qasa Badih Tixxiq Kee Fayxi Maca Kinnim Teysexexege.
Ta Diplomaasih Afkan Baaxoh Agat Fayxih Ayfaf Yaceem Dibuk Hinnay Taqabi Kataasak Geytimam Kee Niya Leh Yan Xalu Baaham Qimmiseh Yanim Qaddosen .
Xayi liggiditteh addat ityoppiyak qasa badih fayxi diplomaasih koboxul qaduk ugsaanam hinnay tibbat Akak Taturak Sugen ammunta Kinnimi Tamixxige .
Ta Gexso Baaxo Qidaddo Gexsitih Addat Culusak Agat Tuxxqitte Akah Diggosan Innah Aben.
Takkay Ikkah Medemer Doolat Itiyoppiya Qasa Badih Aydaadi Cakkiiy, Tama Rakaakayal Leh Tan Gabat Agle, Baadak Madqal Qokol Leh Tan Leeh Addat Leh Tan Leeh Fayxi Ayyuntah Kee Qaduuk Qaddoysaanamak Qusba Mafdaga Fakteh Geytimta.
Ta fakim cuggaane baaxooxa kee baad ayyunti Itiyoppiya xer waktih mannoowuh caagid cedaanam kee tama caagidil ummattâ walal kee walal yakkem faxximtam dirkisen.
Itiyoppiyah fayxi baxsa bahsissam tet diplomaasih assokoh gita faktem gersi maral xukko hinnay namma fanih tuxxiiqil rakuh taniimi.
Ta xayyos Itiyoppiyak Baddi Fayxi Rakaakay Maddur Ummatta Kee Ummattah Angaaraw, Kee Sarriinole Salaam Elle Yasgooroweenimih Taagah Dariifa Baaxooxah Qusba Daddos Saamitte Ginta Makcagguru Kinnim Diggoose.
Itiyyobiya Qasa Badih Gaaritte kee Baddi Caagiidah Fayxi Qaduk Baxxaqisak Sittat Tuxxiqle Diplomasi Gexsitak Geytimta.
Taham Baaxo Liggiditteh Tibbak Teyyeeqeh Tan Istiraateejih Angoyya Tuskutibe
Baddi Forda Baaxok Xex Waktih Qidaddoh Amobaxxaaqa kee Agat Amnih Caabi Dibuk Hinnay Ayro Mawqah Afrika kee Qasa Badih Rakaakayal Faximtah Tan Ardi Siyaasah Doori kee Diihay Qagitaak Yasmiteenim Xiqsisele.