Itiyoppiyak Diplomasih Assakat Brikisik Daffeynak Qimboh Ayroh Assimal
Addis Ababa,Qunxa Garabluk 2,2018 (FMC) Hindi Magaalak New Delhik Ilaa Afrikah Baaxoxa Edde Anuk Axcih Afrikah Inyatah Tan Magaala Addis Ababa Fanah Gufa Qusba Aydaadi Ankuttubuk Geytima.
Baad Gudgudgul Dadalak Temete Itiyoppiyah Mantabba Kee Qokol Fantaxawa Asaakih Ayro Qimbise 18 heele BRICS Miroctih Daffeynal Qaduk Yunbulle.
“Xiiqiy,Hadlisooy,Qokol Kee Sarrimaane Le Dadal Xissimuh”Inta Itrol Gexsitak Geytima Ta Gudgud Itiyoppiya Leh Tan Qusba Mabla Baadah Edde Tubluuseh Dariifah Anay Kee Itiyoppiyah Diplomasih Assakatah Edde Sumaaqiten Gudguduk Yekkeh Ase.
Naharsi Malaak Dr Abiyyi Acmad Ta Koboxul Biriksis Gudgudih Fantaxawa Nummale Qidaddo Nihir kee Sarrimaanele Dadal Fanah Korisoonuh Kaxxa Dudda Lem Kassiise.
BRICS Adoytit Baaxooxah Fanal Gaddaay, Teknoloji Kee Baarle Qadaagoogi Akah Yaysixxigen Innah Kaxxa Nihir Akah Ginan Innah Seeco Xayyoosen, Too Nihir Gaddi Elle Geytima Aracal Akah Yaysixxigen Innah Seeco Xayyoosen.
Tah Caagidil Naharsi Malak Abiy (Dr.) Itiyyobiya Maqaadin Daddosuuy,Yaqusbuseenim Xiqan Caylaa kee Dadalak Geytimta Sanaqatah Rakiiboh Xisoonuh Inkih Bical Geytimtam Yiysixxige.
Naharsi Malak Abiy (Dr.) Itiyoppiyak Mango Katuk Leh Tan Diplomaasih Angaaraw Fayya Hayteh Tan Daffeynak Qimboh Ayro Walal Meqe Gurral Gexise.
Tama Caagiidal Naharsi Malak Dr Abiyyi Hindik Naharsi Narendira Mooxi Lih Walal Gexsesem Kee Itiyoppiya Kee Hindi Fantaaxaw Fooca Fanah Diggowak Elle Beyanam Duudan Caagidal Mabbalowen.
Tamaha Lih Rusiyah Pirezdantih Yan Viladmir Puutin Lih Kaxxa Walal Gexse.
Berezixanti Putin Agdabaxisok 2024 Inkih Yan BRICS Adoyta Tekkek Lakal Itiyyobiya Meqe Doori Gadda Gaciseh.
Malaysiyak Naharsi Malak Anwar Ibrahim Isi Katuk Itiyoppiya Malaysiyal Tet Embaasi Faktam Faxximtam Kassiiseeh, Namma Baaxo Qimboh Addah Namma Baaxoh Walal Akah Aban Innah Sittin Gey Guftem Kassiise.
Naharsi Malak Abiy (Dr.) Vetnamak Naharsi Malak Le Minh Hung Kee Abu Daabik Tamixxige Shek Khalid Bin Macammad Bin Zayid Al Nahyan Lih Walal Gexseeh, Namma Baaxoh Qidaddo Kee Sitta Lih Taamitaanamih Rakiibo Ossotinah Maqarroosak Sittin Gey Aben.
Amolladih asaaku new Delhi magaalal qimbimeh yan BRICS kobox baad caddol ityoppiyah amobaxxaaqa xongolo taybulleem kee qidaddoh fantaaxaw baarisaanam kee diplomaasih fantaaxaw yuybulle aydaadi caddo kinni.