Itiyoppiyak Diplomasik Qusba Afkana

Addis Ababa,Ximolik 5,2018 (FMC) Itiyoppiya Qikkibow doolatih miraaciino gubat agat tuxxiiqittey salaam xisneey maddur sittalluk abit kee daddos hadafitte diggossuh isi diplomaasi fidin gurral antafaquk geytimta.

Diplomaasi yaanam inki baaxo gersi baaxooxal leh tan fantaaxaw salaamah elle xiinissaah namma fanih tuxxiq edde geytu xiqtah tan lafale silaaca.

Bood Hinnay Walalay,Ko Naqabuk Ko Kacanul Aysukumuk Namma Baaxoh Tuxxiq Aysukumuk Taamitanama.

Qasri baadal diplomaasi qidaddo angaaraw maqarrossuh nvestimenti kee tellemmo baarisaanam salaam kee saay caagiidal itta luk taamitaanam agattiinah muuci kee raat xisaanam siyaasâ angaarawak iroh kaxxa doori digirta.

Takkay Ikkah Diplomasi Iroh Fanataxaw Dibuk Hinnay Baaxo Daddos Kee Agat Tuxxiqih Wadbeena Diggosanam Kinni.

Tah wagsiisak ityoppiya xayi liggiditteh addat doolat miraacissa xiplomaasih addat agat fayxiiy salaam xisoonuh qidaddo sittalluk abit kee daddos hadafitte aracat haanamal baarluk xoqoysimak geytimta.

Ceelalloh Jabuuti, Kiniya,Soomali,Gabbi Qaxih Sudaan luk tellemmo, infrastructure kee Dariifa salaam caddol cuggaane baaxooxa luk salaam kee itta luk abit angaaraw diggoysak abteh tan fidin taama kaxxaam faxximta.

Afrikaay,Aasiyaa kee Fanti Macak Baaxooxa Lih Kabxa Kee Investmentih Angaaraw Baarisaanam Qidaddo Diplomaasih Afoanah Kaxxa Afkan Telke.

Itiyoppiya Qabbay Weeqayti Edde Anuk Leeh Gaddat Qadliino Kee Sabab Le Gital Edde Yantifiqoonuh Leh Tan Madqah Gaar Dacrisoonuh Diplomaasih Dudda Diggoysak Geytimta.

Ossotinah Anxaxin Raatih Taddera Dariifa Dacayrih Uguugus Kee Itiyoppiya Baad Caddol Leh Tan Fantaxawa Diggossa.

Afrikah Inkiino kee kalah tan mango baaxooxah koboxittel maqar le gabat agle kaadu baad caddol kaxxa doori digirte.