Itiyoppiyak Diwaata Xayyos kee Ayfaf Samara Luddal Sanat 2018 Diwaata Xayyosih Abbinos Maca Ceelak Sugem Elle Kusaaqisan Gudgud Gexisen
Addis Ababa,Waysu 16,2018 (FMC) Diwaata xayyos kee ayfaf luddi daqooritik qafiyat maktabitteh saqoltillih gexiseh yan tagudgudul geytimak fakkenta abeh yan Rakaakayak Qaafiyat Biiro ciggiila saqalah yan
Dr Cummad qarsoyta diwaata xayyos elle faxxiima gurral gexsituh le udduurul abbinos kusaq akak abaanam ayyunti essero gacisaanamak exxak teena kinnim Qaddosen.
Rakaakay biiroh caddol diwaatat faxximta limooy, keefo kee wadbis elle yakkennat faxxiima lowsis kee kattat abak geytimaanam yiysixxige.
Diwaata xayyoosih taqabiik gexxaamah qaafiyat ayfaf agaagulute wayuh diggale taama gubal tan qaafiyat maktabih saqoltik qambaalimtam kassiise.
A gudguduk hadaf qaafiyat maktabitte diwaata dayyos kee wadbisso wagittaamalnikraarisaanah yani ikraaro ixxigal rakiibo abak akah ikraarisan ixxiga akak geyoonu kinnih tanim Qaddose.
Itopiyak diwaata xayyos kee ayfaafak samara luddih saqalah yan Abdul cayyi Abdushahim elle qaddoosennal Diwaata xayyoosih ludda kee daqoorit fanal diwaata limoh amabalal maca ceelaamaay dayla lakqoh elle beyan innaay abuuduh elle beyan innaay lakoq edde meklaanam faxximta udduruuy mogo elle ken tabbixem xiqtanna kee elle gexsitaanam xiqan inna wagittaamak baritto keenih yeceeniih yaniinim Qaddosen.
2018 sanatal daqoorit qaafiyat maktabitte kee Hospitaal wa caddol daylixayyoosul abeenih sugen ambalal 212 milyoonih birri kinnim kinnuuk taham fanah %73 gaba akak abbinowteh tanim kee sanatah raaqeh yan udduurut %80- 100 gaba maadisaanamih gabbati yanim tahallih Yiysixxigen.
Ta gudgudul diwaata xayyoosul away yan caalootaak gexxaamah merrayti mekla abtah tan fayyaay kalah diwaata limoh fayyay baadal yan taqabiik gexxaamah tibbixeh tani wadbissool kataasah yan taqabi wagsiisa dagar tittalih gacak calli akah geysiisan innal taama faxximtam yubluusen.
Kalifa Kadir