Itiyoppiyak Kalali Qande Afrikah Salaam Kee Saayah

Addis Ababa,Ximolik 6,2018 (FMC) Itiyyobiya Afrikah Qarangubal Salaam,Amni kee Xakak Yaysexeexegoonuh Baad Caddo kee Qarangubal Salaam Dacayrih Madmoomit Maytaniiy Kibbalsimleeh Miraacissah Tan Gabataglele Baaxo Kinni.

Itiyoppiyak Kalali Qande Baxsaluk Qaran Cayli Qarangubal Salaam Dacrisoonuh Dariifa Xakakway Kee Qarkakisa Kalaloonuh Istratejik Kee Taktikal Taamoomik Koobaahisak Aydaadi Doori Digirteh Tanim Kee Bisoh Akah Aban Innah Abak Geytimta.

Qaskar fayyale caddoh saykoloojih gulgul, moraal, lowsis kee taamah qokol, Afrikah dariifal tan taqabitte kee taqabitte elle tan innal salaam dacrisoonuh kaxxa doori digirte.

Soodan Kee Gabbi Soodan oh Fanal Suge Gibdah Yan Cudud Taqabi Abiyo Rakakayal Dacarte Qandeh Addat Itiyoppiya Qimboh Addah Dibuk Abte Gaadul Qimboh Kaxxa Cato Abte Baaxo Tekke.

Itiyyobiyak Qaskar Saqolti Qagaaqagitak Cayli Saqolti akkuk Muggaaqisen Cuduud Boodittel Baxaabaxsale Dariifah Sabhalal Akah Yakkennah Tuxxiqle Masquliyyat Yubdusen.

Ossotinah Afrikah Inkiinoh Madmoomi Somaaliyal Geytimta Baaxo Xakakway, Gabqasah Dacayri Kee Somaaliyah Amni Institutionitte Qagitaak Xisoonuh Kaxxa Fida Mekelte.

Ameerikak Afrikah Amri Lih Cattiimak, Qarkakisa Retteemah Qakkoosaanam Duma Qarkakisa Elle Sugte Arooca Qagitaak Yaysixxigeenim Kee Somalih Caylittel Tabsiyyi Gexsit Akah Yaysiisen Innah Abaanam Xiqqimteh.

Itiyyobiyak Salaam Dacayrih Qarangubal Ibi Raat Xarfur, Gabi Qaxih Sudan, Tonah kaddu Laybeeriya, Burundi, Ruwanda, Ximokratik Riboblik Kongo kee Kot Divoyeril Gexisen Baxaabaxsale Madmoomi Qaduk Yanbulle.

Ta Madmoomih Addal Itiyyobiyak Qaran Cayli Qafiyat Catotay, Lojistik Xayyos kee Taama Dudditel Sissik Gacsa Tacu Dudde.

Itiyoppiyak Kalali Qande Afrikal Salaam Kee Nagaytaniinah Abak Geytimta Doori Aydaadi Kutbeh Buxaaxil Yunkuttubeeh Qarangubal Sabhalal Diggosse kaxxa Qande Kinni.