Itiyoppiyak Qaafiyat Luddih Tabsih Safar
Addis Ababa,Ximolik 19,2018 (FMC) Qaafiyat kee murtisso le ayyunta hadlaanam Inki baaxok sarrimaane kee maqar le qidaddoh dadal yasmiteenimi.
Qaafiyat ayfaafayih mexxat kee fidin wadba yaceenim qaafiyat kee murtisso le ayyunta xisoonuh rakiibook tan Taakume Caagida Kinni.
Aydaadi Tutaaxago Yuval Nuuh Harari”Homo Deus” Diqsitta Kitaabal Elle Baxaqisenal 21hyto Boolih Karmah Addat Sahdayti Baxih Yuskutube Kaxxa Kaxxa Xalittek Tiyak Ti Dadahoyta Kalalanamak Kalah Isinni Saynis Ixxigal Lowsisanama Axcuk Yescesse.
Itiyoppiya Taturte Koona Sanootah Addat Qaafiyat Luddal Abte Maysasa Dalka Kalalanamak Kalah Qaafiyat Muddaqiinoh Caddo Guftem Tascasse Abto.
Ta Istiraateejih Tabsi Naharsi Caddo Sidiica Lafale Caddol Rakitak – Maaliyyah Dudda Osisaanam, Dayli Uwwaytih Baaxoh Addal Yamrutenim Kee Dijitalized Kinni.
Ta Luddal Doolat Hangi Akah Yaceen Innah Qaafiyat Mizaaniyyat Kulli Sanatal Ossimak Geytimam Kee 70 Biliyoonih Birriik Ila 130 Billiyonih Birri Fanah Falakka Heenimi.
Baaxo Qaafiyat Uwwaytul Isih Is Akah Duddannah Aben Macalal Qaafiyat Oksijiin Tamrute Fanteenanih Saami Booluk 3 Gabbaak Illa 58 Gaba Falakka Iyyem Qaafiyat Malaakih Oyti Yescesse.
Tonnah Baaxoh Addah Daylitte kee Dayli Silaacitte Bicissah tan Murtitteh Qadad Booluk 8 Gabaak Ilaa 41 Gaba Fanah Osisak Iro Baaxa Daylah Gexak Sugte Maritteh Qadad Addah Heenim Qaddoosen.
Afrikak Qaafiyat Oytih Rakiibô Daddos Kapsulih Kusaq Elle Yascasenal Itiyyobiya Addis Ababaak Xabba Haanam Barri Kebeles Fanah Baarimak 17 Alfiik Daga Takke Qaafiyat Fanteenaniiy 22 Alfiik Daga Takke Doolat Dayli Fanteenani Edde Anuk Qaafiyat Rakiibo Xisseh Tanim Qaddosen.
Itiyoppiya Afrikal Ummattah Qadadah Nammay Haytoh Caddol Geytimta Kaxxa Ummatta Le Baaxo Kinnuk Qaafiyat Siirat Baarissem Kaxxa Assakat Kinni.
Addis Ababa Afrikak Qaafiyat Wacaysir Fanteena Aboonuh Abak Geytiman Macalak Ugutak Magaalah Xiinissoh Caddol Hospitaalal Dayli Kaqaadah Ixxima 1Alfiiy 384 Illa 4Alfiiy 195 Fanah Falakka Heenih Geytimanam Qaddoosen.
Magaalah Xiinissoh Qaafiyat Biiroh Oyti Elle Yascassennal Kulli Sanatal Ila 1 Ximmoy 3 Biliyoonih Birrih Bajet Cayuk Ummattah Caddok Qaafiyat Caabih Dacayrih Tuxxiq Akah Yaceen Innah Abeenih Yaniinim Qaddoosen.
Ta Dadalak Geytimta Qaafiyat Siirat Baaxok Sissik Udduurih Caagiidal Kee Biyaakitteh Raddi Yacoonuh Leh Yan Dudda Aybulle. Ceelalloh Gabbi Qaxih Itiyoppiyah Rakaakayak Jinka Kee Tet Dariifal Fixix Marburgih Vayresih Fixix Lowsiisoonuh Abeenih Yanin Dudda Sanat 2018 Naharsi Kudok 2018 Ta Dariifal Leh Tan Duddak Sumaqta Kinnim Qaddoosen.
Baadak Qaafiyat Eglak Afrikah Dariifah Makaado 76hytoh Daffeynal 40 Daga Takke Afrikah Baaxooxak Qaafiyat Malaakittey, Baadak Qaafiyat Eglak Awlaytit kee Kusaq Abeenit Edde Tengelem Qafiyat Luddal Milaagu Qimbiseh Yanim Kaxxa Baad Caddoh Mamaxxaga kini.