Kayrok Nakkay Naxagah Ferranto,Kartuumuk Ila Asmara Fanah
Afrikah Gaysal Xaga Xaga Carbi Silaytu Kee Sabhalal Sinnah Silayti Garciik Temetem Hinna.
Dariifal Carbi Magaday,Bood Kee Cawlay Maytarruf Yagurenim Saami Akak Tekkeh Hinnay,Nakkay Naxagah,Kukti Cogda Inki Baaxoh Fayxi Aracat Akah Han Innih Fayxi Aracat Hoonu Ikkah.
Ta baaxo gorrisoonuh mangom meekitaanam mafaxximta. Baaxo Bad Kee Lee Dibuk Inkih Yi Tuxxiqil Assay Iyyanamih Hirfi Le Masri Doolata ikkah
Tahal Sugte Nummal Mango Oyta Xayyosoonuh Masri Qadduk Abah Tonnah Uqrat Abak Geytimta Abtota Katayanam Abtota Teetik Duddah.
Namma Sodaanak Ila Eretray kalah Somaliya Fanah Nablay Tokkek Masril Caagidil Sitta Genno.
Masri Isih Le Fayxi Aracat Hayuk Afrikah Gaysah Baaxoxal Adriyuk Geytiman Isinni Tuxxiqitteh Fayxixah Nummak Dagoom Ablenno.
Masri Isinni Amni Caagida (Buffer Zone) Kee Nayil Caagidal Qokol Seeco Akah Geyan Innah isinni Catok Ken Abluk Geytimta.
Audaadi Tuyaxigiy Tonnah Iroh Caagida Kusaqisa (Alex de Waal) Soodan Caagidal Abe Kusaqal Iyyemihi Masri Sodaan Isih Isi Xiqatah Isi Muddaqiino Le Doolat Takkem Faxewaytam Yescesse.
Qaahirah addal tan dooqa kee macal suudan qaskariyyoh miraaciini gubat gactaah, wakti ellecabo fan xiinissah tan Doolata Yakkenimi
Awayih Uddur Sudaanak Addak Addah Carbi Sidoca Sanatih Qideh Gexsitak Geytima Masri Qande Suudaanak Qaskar (SAF) Sirri Qokol Abak, Diroon Kee Intelligenceh Cato Abak, Carbi Akah Yayxeeren Innah Abak, Suudaanak Addak Addah Uddur Akah Yakkennah Abak Geytimaanam Warsen.
Soodaanak addah carbi Masri Doolatah Le Tuxxiq.
Qakule Sudaan isi agat fayxi gaba teceeh Masrik qeltut tan fayxitte Abbinos Tekkeh Geytimta.
Ta Caagid Foocah Iyyuh Addak Addah Carbi Soolama Mafaxxa.
Tahak Amakkaquk Masri Akkuk Geytima Carbil Benzil Caxak Geytima.
Ta gira soodan kee tet ummattal girah innah carartaah, cararoowuk tan laqna Afrikah gaysal Tantabbemi .
Kayroh Fayxi Ta Carbi Inkih Tan Afrika Akah Gufannah Abanama Kinni.
Masri Gabbi Qaxih Sudaanal Geytimta Gaadule Cato Abak Geytimtam Kee Juba Doolat Lih Qaskariyyoh Sittin Gey Akah Aban Innah Abak Geytimtam The EastAfrican Kee Kalah Tan Rakaakayitteh Midiyah Raceenaani Qagaaqagitak Qaddosse.
Baxsaluk, Gabbi Qaxih Suudaanak “Pagak” deqsita dariifal qaskariyyoh fanteena xisak sugte hadaf aracat haytuh kaxxam macal abte.
Is Gabbi Qaxih Suudaanak Gaaduleh Qokol Abak Gabbi Qaxih Suudaanak Doolat Isi Fayxih Addat Akah Haytannah Qokol Abak Geytimta.