Laamu Siragle Lee Saffosiyyih Cugayso Dariifak Cayli Fayxiixah Raddi Gacissa Cugayso-Naharsi Malaak Dr Abiyyi Acmad
Addis Ababa,Qunxa Garabluk 20,2019 (FMC) Kiiniyah Doolat Lih Asaakih Ayro Qimbisen Laamu Siragle Lee Saffosiyyih Cugayso Dariifak Cayli Fayxiixah Raddi Gacissa Cugayso Kinnim Naharsi Malaak Dr Abiyyi Acmad Qaddose.
Naharsi Malaak Dr Abiyyi Acmad Kiiniyak Laamu Siraglelee Saffosiyyih Cugaysoh Qimbisiyyi Tadderat Yengele.
Naharsi Malaak Dr Abiyyi Acmad Tama Aracal Abe Yaabak Iyyemihi Ayro Mawqah Afrikah Baaxoxa Edde Tantifiqe Siragle Lee Mangom Afrikah Baaxoxak Iroh Tan Baaxoxal yamrutenim Kinnim Yescesse.
Taha Baadak Siragle Lee Qadaagal Kaxxa Gibdaabina Katassam Kinnim Ascassuk Laamu Siragle Leeh Saffosiyyih Cugauso Ayro Mawqah Afrikah Baaxoxa Baad Caddok Siragle Leeh Limoh Osoosamak Amakkaquk Ta Caagidit Guftam Dudda Gibdabinitte Aynukuselem Yiysixxige.
Ta Cugayso Gabakaltawak Afrikah Qadaagoogul Siragle Lee Xayyoselem Asacssuk Tah Kaadu Dariifa Qidaddoh Kaxxa Cato Akkelem Kassise.
Tama Cuggayso Kiiniya, Itiyoppiya, Gabbi Suudan Kee Uganda Edde Anuk Daddosut Sittat Akah Yasgorowen Innah Pilaset Cugaysot Dariifa Edde Tanim Yescesse Naharsi Malaak Dr Abiyyi Acmad Tah Kaadu Dariifah Tellemmo Diggoselem Yiysixxige.
Ta Cugayso Itiyoppiya Dariifa Xayyos Doorititte Akah Baarisan Innah Abak Dariifa Tellemmo Kee Investimentih Qusba Saami Akah Gintannah Innah Cato Lem Kassiise.
Ta Tuxxiqle Dariifa Cugayso Qimmiseh Yan Kiniyah Prezdenti Wilyam Ruto Tonah kaddu Afrikal Baxaabaxsale Investementih Cugaysoosa Gexsitak Geytima Nayjeeriyah Invester Aliko Dangote Gadda Gacise.
Asaaku Qimbimte Laamu Siragle Leeh Saffosiyih Cugayso Dangote Butta Xisak, Xisoonuh 16 Bilyoonih Dollaarak Dagga Takke Lakqot Xissimelem Kee Sanat 2030 Fanah Gabakalele Axcuk Qambalan.