Labbat Ayyuntiinoh Fantaxaw Kee Inkittinaane Diggosuh…
Addis Ababa,Diteli 2,2018 (FMC) Xex Mabla Leela Hebelto Mekla Maleh Yallih Sabbatah Ayyuntah Acsubuk Aban Meqem Kaban Taama Kinni.
Ta Abto “Qaro Qari Sitta Yibbixek Qabqi Yaxuye”Akah Iyyan Innah Gaba Dagoytitiy,Qawwalayla Bohoy Leela Catanamay Tonnah Cunxoh Udduruh Sissik Raddi Acayuk Taamitanamal Kaxxam Asskat Le Abto Kinnim Tamixxige.
Tah kaxxa saami taceem dubuh hinnay, meqem kaban le numih dudda dadlisaanam, qusba marat yangooroweenim, kee inkih yan marih addal, addah salaam kee rufto geyoonuh. toh maqarrossam cankah angaaraw qaada dadlisak ittak ittah edde radaanam kee xuwaw Diggossa.
Meqe taama mango weeloola kee baxxaqsa le; Idoolah buxaaxih Yasqussub, alaaqa hinnay kaadu lowsis gubat yan marah currik tan baritto yaceenim, qabal yaceenim, hospitaal addal tan faxximta mara kee caabi sinni marah cato abaanam, dariifah saytunnos kee qaxmaqaane abaanam inkih tan exxaaxil nanu qagaaqagitak naabbeh nan.
Qaafiyat, madqa, teknolooji, hinnay gersi ixxiga kee fayitte meqem abittoh eglaalih currik tabsaanam kaadu qimmoh addah cato kinni.
Sinam sinni waktiiy, ixxigaa kee cayla faxe mekla sinnim gersi marah tacee waqdi ayyunti addal fantaaxaw kee itta luk abit diggoosuh kaxxa holhol xisan.
Idni taama ummatta ittat bahta, samad, diini, karma, akkek qidaddoh caddo baxse kal itta ankacisaanam kee itta yangoorowoonuh saami Geyaanah Taham hoxat tan mablooliiy, Uma Daloik kee bohoy waasaanam catole.