Mabbalow Masqulliyat Le Gital Gexsise Nellek Yamaate Horah Sabhalal Le Baaxo Nagrisnam Duudenno-Naharsi Malaak Dr Abiyyi Acamd

Addis Ababa,Diteli 8,2018 (FMC) Naharsi Malaak Dr Abiyyi Acamd Agatak Mabbalow Kobox Masqulliyat Le Gital Gexsise Nellek Yamaate Horah Sabhalal Le Baaxo Nagrisnam Duudenno Axcuk Qaddose.

Itiyoppiyak Mabbalow Koboxuk Qimbisiyyi Tadderal Naharsi Malaak Dr Abiyyi Acamd Elle Geytimak Asaakih Ayro Gexissam Qimbisse.

Tamakkel Naharsi Malak Tatruseh Yan Farmol, Agat Fayi Gudgud, Itiyoppiya Isi Gabat Qusba Aydaadu Akah Taktubennah Kalam Kee Warkat Geytuh Aydaadule Saami Kinnim Qaddoose.

Takkay immay, awayih uddur, warka garuq qaada fiddinowteh tanim qaddoyseeh, quuki qaada lowsiisih gubat gactam kee “Anu faxam dubuh akke waytek, toh madudda” axcuk qaada qawwalaylah addat geytimtam baxxaqise.

Addâ Salaam kee Meqe Xiinih Tanim Cuggaane Kee Buttaatil Nacsub Hinnay Baaxo Lih Fayisaanam Faxximtam Kassiise.

Agat Caddol Yakke Mabla Kimal Nel Sugte Taqabitteh Calli Elle Duudan Beerih Meqe Rakiibo Elle Qidna Gita Kinnim Naharsi Malak Qaddoose.

Inki Aracal Dibuk Soolaanam Geeri Katuk Leh Tan Taqabitte Edde Radaanam Kee Afdiguk Tafdigem Akke Waytam Kassisak Itiyoppiya Dibuk Sitta Abnak Abnam Xiqnek Dibuk Diggosnam Duudnam Kassiise.

Kalah Kaxxa Baaxooxah Ummatta Qunxa Baaxooxa Yassakaxxeenim Ni Fayxi Dibuk Takkay Iyyan Nabsiyyak Awquk Mabbalow Aracat Gacuh Ninnil Tan Dirkik Nawqay Axcuk Yescesse.

Itiyoppiya Faxe Num Biyak Akah Alle Waytannah Edde Tabsaanam Duudan Agat Caagiida Akah Tafdigen Innah Abaanam Kee Baxisiyyi Mablaak Yawqeenim Xiqqimtek Ta Mablal Milaagi Geytimam Kassiise.

Naharsi Malaak Dr Abiyyi Acamd Sitta Lih Angaaraw Leh Yan Massoyna Rakiibo Abak Itiyoppiyah Tuxxiq Le Xalu Gele Axcuk Qaago Lem Qaddoose.