Mabla Manga Baaxok Mabbalowuh Hadaf Takke Hinnammay Gexekalit Ginta?

Agat Mabbalowuh faxximtam inki baaxoh Xaylo rakiiboh tan Baaxoh caagiidal inki mabla loonum hinna.

Wohuk lafittaama itta luk ken faysaanam akah aban innah, mango caagiidal baxaabaxsale mablooli lon.

Tohih taagah, gexsit baxaabaxsale abak raag, mabla kee mabloolih ummattah ittalluk leh tan sarrimaane kee sinni baaxoh sarrimaane wagittaamal yascubeenimih saami ginta.

Agat caddol faysiyyi gexsitih addat kulli maglab leela isi aydaadu le.

Tama Gexsol Gari Garin Yab Abbewek Mabala Darret Tan Fayxixia Tamixxigem Madudda Tohuk Amakkaquk Sittin Gey Sinni Mablooli Dudda Mabahta.

Taham mango marih maqar elle yan araca. Agat fayi gexsitih addat tan mabloolih baxsi kulli mabla elle kusaaqisnuh gita neh fakta.

Gersi mara ankacisnaah, essero esserraah, nanu aaxige waynam cednuh saami neh yacee. tah albaab faktam tayse kobox margaqah acwa ossimteh itta luk cedaanama.

takkay immay dubuk mablâ baxsi yanim Baaxo Mabbalow Dudda Bahsissam Madudda

Mablâ baxsi maqnale tuxxiq bahtam duddam missoynaani isinni mablâ baxsa massakaxxal yafdigeenim kee itta ankacisaanam xiqan waqdi kinnim cubbit haanam faxxinta.

Kassitnay! Agat caddol takke fayittek hadaf kulli num inki mabla yasgalleenim hinna.

Gexsit baxsa le bartiyyi saamitte fan korsaanam, edde geytimaanam kee taqabi yafdigeenim kee edde geytimaanamih gitah gexaanam kinnim cedaanam faxximta.

Tohih taagah, agat caddol gexsitak geytima walal, “Nanu ninni baxsitte dudda luk elle cednaah, itta luk gexxam mannal abnam dudnaah?”

Baxaabaxsale mablooli massakaxxa luk ankacisaanam kee cubbit haak, agat caddol walal meqeh tan afkanitte, fidin fidgaagi, kee agat caddol tan sittin gey akah geytannah abaanam duudumtah.

Kassitnay! Mablâ baxsi agat walalih asta kinni. Lakiin walal gexsitil baxsa le gurral elle taamitna inna qasriino kee seehadayti baxi takkem faxximtam habbaale waynam mafaxximta!

Itiyoppiya Mabbalowak Geytimta!