Magaaliyyoh sartan magaala sarise Magaala Daddos….

Magaala Daddos Inki baaxok Ayyuntiinoy,Qidaddo Kee Rakiibo daddosih Bilqa bahsiisak Ayyuntiino Maqiishat Kee Taamah Arooca Akah Bicisan Innih Aglele Gexso Kinni.

Sissikuk Ummatta qadad Elle Osak geytima itiyopiiya,Awayih uddur Aydaadu Akak Magaala Bica Kee Weelolah Milaagih Addat geytimta.

Itiyioppiyal taturte Sanootat Yemeteh Yan Milaaguk Ugutak Magaala daddosih Luddah Dumak baxsalennal Hangi Geyte.

Doolata Magaala dadalay,Turuzim Kee Investementi Fanteena Aboonuh Qimbiseenih yanin Mega Cugaysoosa Magala Wello Inki Tanuk Milaagak Geytimta.

Addis Ababah Magaalak Qimbisak Baxabaxsale Rakakayittek Inayta Magaalool Fanah Gexe Koridor daddos Itiyoppiyak Magaalol Aydaadul Kaxxa Milaagu Bahsiise.

Koridor Daddos Ceena Luk Sugte Gititte Akah Baarisan Innay Tonnah Trafik Qawwalayla Akah Daggowtannah Kaxxa Oftoy Geysiise.

Ossotinah baad caddoh Weeloola Kibta Baar le Ibi Gitittey,Saykil Gitittey,Erkanna Le Marih Gititte Edde Anuk Baar Le rakiibo daddositte ginnimte.

Magaalah Ayyunti Gufne Edde Aba Aroocay dacooh Arooca kee Mafraqa Kursitte Kulli Kordiror Daddosih Cugayso Lih Xissmite.

Magaalah Bica Le Maqiishat dariifa Akah takkennah Baar Leh tan Parkitte Kee Anxaxin Aroocah Cuagysoosa Bicimmte.

Tahala Inkittinaane Parkiy, Intottoy,Shegger Kee Saynis Muziyemih Parkitte Xisak Ayyunti Gufne Edde Akah Avannah fakimut Heen.

Duma Guddafah Sugte Arooca Qaxmaqaane Bahsiisak Wacaysir Arooca Fanah Akah Kortannah kaxxa Caddo Fanah Korisen.

Anxaxin raatih tadderal Kulli Sanatal Billiyoniyatal Loowimta Cooxitte Daabisak Magaalol Kee dariifak Rusqa Milagitteh Taqabi Akah Raaqisan Innaih Gexsitil Kaxxa maysassa ABEN.

Taama saamih Ginttey,Maaqidda Xayyosul Kaxxa Taamoomi Akkuk Geytimta.

Qasriino Le Merrayti daddos Akah Wadbisan Innah Merrayti taqabi Akah Raaqisan Innay Dariifa kee kalah teknologi Akah Baarisan Innah Aben Taamomil Kaxxa xali geytime
Magaala daddosih taamomil dariifah Bica Le Kooranal Taamitta Merrayti Affafitte Taama Fanah Culusen.

Ayyuntah Mamaxxaga Kee Baaxo mabbuxih taamomi Digital fanah Korisak Sissik Affafitte Amcayyuk geytimta.

Inki Affaf fanteenanak Tellemoh Amriy,Qiso Meklah Affaf waqinak Akah Yamcawwennah Kaxxa Macalitte Tekke.

Amolladih magaala Qaxmaqaanek kalah Taama Ginoh Saamitteh Kaxxa Doori Digirte.