Maxco Abtol

Addis Ababa,Ximolik 19,2018 (FMC) Naharsi Malaak Dr Abiyyi Acmad Megecha Karawwada Xissimuh Abeh Yan Macal Qikkibow Doolat Cugaysoosa Qimbissam Dibuk Hinnay Akah Yibbixen Uddur Kee Mexxatal Gaba Akah Kaltanna Abanamak Sumaqta Kinni.

Naharsi malaak Dr Abiyyi Acmad Amaarah Miixiya Korporeeti luk abeh yan walalal :-Amaara Rakakakay Le Daddos Esseroorak Tiyak Tiya Buqre Kee Maqub Leeh Caagida Kinnim Baxxaqse.

Baxsaluk Gondar Magaalal Maqub Leeh Taqabi Yafdigoonuh Mango Bilyoonih Birrih Lakqo Akah Abbixuk 18 Sanatih Gideh Buqre Wagittaamal Udurruteh Sugte Megeche Karawad Gaba Kaltuh Mango Bilyoonih Birri Akah Abbixuk Biciseenim Kassise.

Mango Uddur Akah Rageh Sugeemik Sababay,Ummattah Essero Akah Gacsan Innah Gexen Giti Kaxxam Sahlin Gital Sigewaytem Kee Mangecha Away Xisnek Gaba Kalak Xayi Uddurut Taama Qimbiselem Qaddose.

Tahak Ugut Abak Qikkibow Doolat Mango Udduruh Raageh Suge Magecha Karawwad Sissik Kattatal Gaba Akah Kalan Innah Aben Macal Maxco Abtol Asisanamak Hadaf Kinnim Yiysixxige.

Baxsa Luk Taturte 2 Sanatih Addat Yekkeh Yan Giffole Kattat Kee Macal Sababah Ta Cugaysoh Abnisso Boolul 94 Gaba Maadem Yescesse.
Yiysixxigen.

Karawwad taama awayih uddur maxxat dacrisak kaxxa sissikaane luk gexsitak geytimtam kee ciggiila dago alsitteh addat inki tanuuk gaba kalele axcuk qambaalan.

Awayih Uddur Karawadak Buqre Lee Lowsis Siirat Xisne Kee Tahat Angaaraw Leh Tan Elektiro Mekanikaal Taamoomi Gabakalteh Tanim Qaddosen.

Karawad awayih uddur 33 milyoonih kubik mitir lee yabbixe Ayrol 5 milyoonih kubik mitir takke lee xissimteh tan buqreh aroocal caxittam qemmisse.

Karawad xisnek xaqut Saytun Maqab Leeh Xabaxi Dafeynah Taama Gexsitak Geytimta Lee kalqatih gommodmali makaanikaal taama kaaduk gaba kaltih xayyowteh tan.