Meqe Xiinissoh Kilasterik Sagla Alsih Taamah Gabbaaqih Gudgud Gexsite

Addis Ababa,Qasa Dirri 8,2018 (FMC) Meqe Xiinissoh Kilasterik Sagla Alsih Taamah Gabbaaqih Gudgud Asaaku Gexsite.

Gudgudul Meqe Xiinissoh Kilasterih gubat raqta Sekteritte Sagla alsih addat tekke taamoomiiy, Matre gexkalit kee tontocowwe fidga wagittaamal baar le gabbaaqu xayyoosen.

Tohih lakal Xayyooweh yan gabbaaqul walal yekke.

Tama gudgud miraaciseh yan Ciggiila Perezxentih Bilhadal Meqe Xiinissoh Kilasterih Koobaahiseh yan Massakax̌xa le Acmad Cuseen abeh yan baxxaqsal xayyooweh yan gabbaaqi tá Sekterih caddol akkuk geytinta taamoomil milaagi yanim tayballeem kinnih tanim kee sanat ekraarok raqteh tan taamoomi raaqeh yan uddurih addat arac xagtuh gulgulussô taamoomi awakaak takkem faxxintam yescesse.

Tamahat ossotinah Agat caddol daffeyteh tan ‘Initiative’ meqe Xiinissoh Kilasterih caddol inkih aracat gactam faxxintam kee baxsa luk Ayfaaf Sektewa udduruuk uddurul ayfaafal milaagu baahaanam faxxintam diggoyse.

Edde nan waktí Agatak 7heele amolladí dooroh uddur kinniimih taagah Dooro Saay kee Salaamal gaba kaltuh Salaam luddal takke taamoomi diggoowak gexxam faxxintaamih afkan daffeese.