Muddaqiino Dibuk Isinni Duddal Dadlisanamak Tatrusak Amni Teknologi Rubaanamih Fanah Akkuk Geytima Safara
Itiyoppiya Saay Kee Amni Teknologittel Isik Taturak Cuggaane Baaxoxah Fayxi Salah Kibtannah Taamitak Geytimta.
Itiyoppiya Saay Kee Amni Teknologitte baaxoh Addal Tamrutem Qimbissem Isnni Xiqaanamak Taturak Cuggaane Baaxoah Fayxi Akah Kibtah 2030 Mablah Sakayi Akkuquk Angagayyuk Geytimta.
Ta Istiraateejih Maqatta Baaxok Sayber Amnih, Artifisal Intelejensi Kee Teknolojih Amobaxxaaqah Luddal Qimbisseh Geytimta Kaxxa Safar Teetik Tablaase.
Itiyoppiya Ahak Afal Iro Baaxooxak Amni Kee Nagayniinah Institutionitteh Softiwer Kee Teknolojih Daddos Iro Baaxok Culusak Sugte.
Takkay Ikkah Awayih Uddur Booluk 99 Daga Kalaluy,Agat Mamaxxaga Kee Data Systemih Softeweritte Baaxoh Addah Mihratleelah Gabat Aglel Akah Yakkennah Abeenim Warsen.
Oyti Retteemah Saay Xiinisso (INSA) Itiyoppiya Xayi Udduurih Addat Tekkeh Tan Sayber Maysattakooki Kalalitoonuh Booluk 99.03 Gaba Arac Xagteh Tan Sayber Amnih Miraciinul Afrikak Qimbo Miraaciinu Akkuk Geytimtam Qaddosse.
Ta Baaxo Teknologih Ludda Kee AI Cattimak Tittikiyye Dronitte Kee Qasriino Le Qeebi Jetitte Teknologi Lih Aysuxuyuk Ayro Mawqah Afrikal Taakume Teknologit Tantifiqe Baaxo Tekkeh Tanim Yescessen.
Amni kee Nagaytaniinah Institutionitte Edde Yantifiqoonuh Dijital Forensiik Labratoorih Kaaduk Xissiimak Taama Fanah Culusen.
Naharsi Malaak Dr Abiy Acmad Elle Yiysixxige Xijitan Itiyoppiya 2030 Makcagguru Amni Kee Amaan Edde Anuk Siivil Teknologih Murtisso Dadlisoonuh Lafa Lafale Ramiidah Taamitak Geytimanam Yescesse.
Ta Istiraateejih Agat Amnih Opereeshin Fanteenah Xisne, Smart Manufacturing, Kee Ixxiga Tabsih Hadafitte Edde Anuk Geytimta.
Ta Istrateejih Ugutak Ayrol 24 Saaqat Kee 7 Ayro Taamituwa Agatak Sayber Amnih Fanteena Akah Xisan Innah Abak Geytimanam Kassisen.
Tonnah Kaxxa Macal Abak Geytimam Sanaqatah Nagaytaniina Dacrisoonuh kee Artifisal Intelligence Teknoloojih Fabrikaakih Luddal Yasgalloonuh.
Ossotinah Milyoonul Loowimta Koder Aydakaakanisaanam kee Baxsale Artifisal Intelejensih Jaamiqat Xisaanam Baaxoh Addah Injineeringih Dudda Akah Dadlisan Innah Kee Teknolojih Qusba Cato Abak Geytimaanam Qaddoosen.
Itiyoppiyah Ekraaro Dibuk Baaxoh Addah Amnih Fayxi Kibtam Hinna.
Sanat 2030 Fanah Ta Baaxo Ayro Mawqah Afrikak Teknologih Fanteena Takkuh Taamitak Geytimtaah, Sayber Security Software, Security Fokkaaqoh Silaacitte Kee Oyti Dacayrih Siirat Cuggaane Baaxooxah Ruubak Geytimta. Tah Rakaakay Angaaraw Dibuk Diggossam Hinnay, Iro Baaxoh Lakqoh Culenta Fayya Lem Kinnim Qaddoosen.