Naharsi Malaak Dr Abiyyi Acamd Salaam Fayxi Abe Secooca

Naharsi Malaak Dr Abiyyi Acamd Reedal Yemete Udduruk Xabba Haanam Baaxok Siyaasa Kee Ayyuntino Taqabittek Akah Tawqennah Qagqagitak Salaam Seeco Xayyosak Yemete.

Naharsi Malak Abiyyi Acmad Salaam Fanah Abah Yan Seeco, Agat Caddol Sittin Gey Xisaanamaay, Silaacitte Booditte Walal Gexsitak Yafdigoonuh, Sarriino Le Salaam Yasmiteenimih Hadaf Leh Tan Mablooli Kinnim Qaddoosen.

Ta Seeco Doolat Salaam Fanah Leh Tan Fayxi Yaybulleeh, Baxsa Le Caagiidal Walal Akah Yakkennah Abaanam Kee Gaadule Salaam Gita Fanah Arcibisaanam Kinnim Tamixxige.

Booditte Walalal Yafdigeenih Faxe Siyasa Kee Ayyuntiino Mabla Birta Le Gaadu Hinnay Daffa Iyyenih Walalanama Kaxxam Kinnim Naharsi malaakak Dr Abiyyi Acamd Yascasse.

Gaaduleh caylitte salaam gita fan Akah Tandabbennay silac Obisanam kee salaam gital siyaasâ gexsitit gabah agle Akah Haysitan Innah Qagqagitak Seeco Xayyose.

Salaam seeco yabti rakiiboh dubuh hinnay, aydaadul asta cabteh tan Tambulle Maqattoti Kinnim Tamixxige.

Tama Secoocak fanak Piritoriyah Salaam Sittin gey ityoppiyal salaam Baarimuh kaxxa doori digirtem Abto Kinni.

Doolat kaadu salaam taagah kaxxa sabri tuybulleeh, waktiik wakti fan ugtah tan kookaxaw massoyna kee walal gexsiisak fidga Geytimyuh Salam albaab Fakut Hayte

Tohuk gexxaamah Amaara kee Oromiyah rakaakayittel mangoh tan gaadule salaam, milaagu kee ayyuntat yangaleenimih seeco Oggolte.

Naharsi Malaak Dr Abiyyi Acmad Salaam doorit Itiyoppiyah dibuuk amaan le gita kinnim qagaaqagitak Suge.

Doolat sarrimaane le salaam gitah abta seecoh xaqut, siyaasâ caylitteey, diini abbobtiiy, qunxaaneytaay, inkih tan Itiyoppiyah ummatta salaam geytuh kaxxa doori Digirta.