Namma Ayroh Addat Inki Tanuuk Fakkimtuwayta Hormoz Tabeena…
Addis Ababa,Waysu 10,2018 (FMC) Hormoz Tabeena Beera Akkiy Beeca Inki Tanuuk Fakkimelem Ameerikah Prezdenti Donaldo Trump Qaddose.
Ameerika Kee Iraan Carbi Akah Soolisan Innih Sittin Gey Yamaate Jumqaatah Abeloonumu Tamixxige.
Tama Sittin Geyik Ugut Abak Baad Akak Xayyita Siragle Lee Tabeenah Yan Homoz Qagitak Fakkimele Axcuk Qambalan.
Tahak Ugut Abak President Trump Hormoz Tabeena Inki Tanuuk Akkewaytamah Exxa Akak Fakkimteh Geytimtam Yescessen Kee Ciggilta Namma Ayroh Addat Inki Tanuuk Fakkimelemit Yaabe.
Prezdenti Iraan Lih Sittin Gey Elle Gufen Salaam Caagida Kaxxam Muhummi Kee Diggo Akah Talennah Qagqagitak Qaddosak Geytima.
Ameerikay Israail Kee Iran Fanal Akkuk Geytima Carbik Gexxamah Iraan Hormoz Tabeena Qagqagitak Alifak Sugteemih Sabbatah Baad Caddol Qidaddo Gexekalititte Boodak Sugtemi Tamixxige.