“Ni Ayyunutak Siyaasah Ambad Dumak Baxsa Leemih Sabbatah Kimaalih Caylih Xayyos Asaaku Mataamita” – Naharsi Malaak Dr Abiyyi Acmad
Addis Ababa Ximolik 3,2018 (FMC) Cuwwacat Butta Pirotooriyal Yekke Salaam Sittin Gey Aggiluk Daddoosut Gexe Kala Akkuk Geytimaanam Naharsi Malaak Dr Abiyyi Acmad Qaddoyse.
Kimaalî Mabla Kee Kimaalih Gexsoh Fayxiy, Tuxxiq Asaaku Taamittam Maduudumta.
Naharsi Malaak Abiyyi Acmad OBN Lih Abeh Yan Yaabal Iyyeemihiiy, Tigray Addal Tan Baatil Buttay Tangagayyeh Iyyay Dumaahih Mabla Kee Siyaasah Gexsitih Maxhaxxa Tanim Yescesse.
Cuwwacat Butta Dumaahih Bool Sanootak Afal Sugeh Yan Idaakiteh Yan Dumaahih Mabla Kee Gexsooy, Miraaciinih Maxhaxah Xin Waanam Yescesse.
Ta Butta Awayih Uddur Abak Geytimtah Angagoyyitte Wali Qaynatal Ayyunuti Tuxxiq Akke Waytam Ascassukuuy, Itiyoppiya Daalicisaanamih Fayxi Xerdaboonak Luk Sugeenik Iroh Ayyunutah Hebeltô Tuxxiq Acsube Waanam Kassiisak, Awayih Uddur Irô Naqaboytih Gabbara Yekkeenih Taamitak Geytimaanam Baxxaqise.
Inkih Yan Itiyoppiyah Ayyunuti Siyaasah Ambad Kee Gabat Agley, Mabla Baar Kimaalih Caddol Nable Wak Kaxxam Baxsale. Dumaahih Mabla Kee Gexsoy Idoolitte Inkinnah Atcibisaanam Faxe Waanam Yescesse