Prezdenti Tayye Aske Sillase Taama Wakti Gaba Akak Kale Ambasadderitteh Rubsus Abe
Addis Ababa,Ditelik 21,2018 (FMC) Efediri Prezdenti Tayye Aske Sillase Taamah Uddur Gaba Akak Kale Sidoca Baaxoh Ambassadderitteh Rubsus Abe
Tama Pirezdanti Finlandi Ambasadder Sinika Antilla, Norweyi Ambasadder Stian Kristensen Kee Hindi Ambasadder Anil Kumar Raay Isi Kutbe Buxal Oggolak Rubsus Keenih Abem Qaddosen.
Tama Ambasadderitte Itiyoppiyal Sugenih Yanin Uddur Namma Baaxoxah Angaaraw Diggoysoonuh Abak Sugte Macalah Gadda Gacse.
Ityoppiyal Filanxih Ambasadderih Sugte Sinika Inteemihi :-Itiyoppiya Kaxxa Milaagih Caddot Geytimtam Kassiisaak Itiyoppiyal Sugte 3 Sanatih Addat Mango Tuxxiqle Abakraag Geytem Qaddosse.
Itiyoppiya Afrikak Diplomaasih Fanteena Kinnuk Leh Tan Doori Meqennal Abbinoosak Geytimtaamih Tossokote.
finland kee itiyoppiya xer waktih sittalluk abit Lem Ascassuk baxsa luk baritto, barri saytunaaney,Lee xayyoosuy, buqre kee Digital Mamaxxagah Maysarraqal Kaxxa Fantaxaw Le.
Itiyoppiya Kulli Luddal Sissik Milaagih Adat Geytimtam Ascassuk Tah Kabxaay, Investementiiy, Qusba Gino, Qimbisiyyaa kee Teknoloji Luddal Sittin Qokol Akah Diggoosan Innah Qusba Saami Ginak Geytima Qaddoosen.
Itiyoppiyal Investimentih Dariifa Milaaguh Tekkeh Tan Macalittel Finlandih Kampaanitte Itiyoppiyal Taamitoonuh Saami Gintem Yescessenih , Nokiya Kee Vaysalah Innah Tanih Tan Kampaanitte Ceelalloh Akak Kinnimit Yaaben.
Ityoppiyal Taama Wakti Gaba Akak Kale Norweyik Ambasadder Stian Christensen isi katuk Iyyemihi :- ityoppiyal sugeh yan uddur ityoppiyah ummatta kee doolat kaah abte meqe garayyoh gadda gacise.
Itiyoppiya Kee Nerwey Baxsa Luk Hawa Milaagih Caagiidal Kaxxa Angaaraw Lem Kassiise.
Itiyoppiyal Taama Wakti Gaba Akak Kale Hindi Ambasadderih Yan Anil Kumar Rayi Hindik Naharsi Malaak Narendira Modi Itiyoppiya Fanah Abeh Yan Aydaadi Gufne Kassisak, Tama Gufneh Uddur Yekkeh Yan Sittin Geyik Mangom Meqe Gufneh Abbinoosak Geytimaanam Qaddoose.
Namma Baaxo Qidaddoh Qokol Baarisak Mangoh Tan Hindi Investmentitte Ta Baaxo Fanah Tamateemih Amantina Liyo Axcuk Yiysixxigen.