Qaafiyat Exxal Tekkeh Tan Rakiibo Daddoosih Taama Ityoppiya Qaafiyat Turiizimih Fanteena Takkuh Kaxxa Dudda Akkuk Geytimta

Addis Ababa Laqin Alsak 27,2018 (FMC)Qaafiyat Exxal Tekkeh Tan Rakiibo Daddoosih Xisne kee Mexxat Maysaasa Ityoppiya Qaafiyat Turiizimih Fanteena Takkuh Kaxxa Dudda Akkuk Geytimtam Qaafiyat Malaakih Xeeta Dr Xereje Xugguma Qaddose.

Ityoppiyah Doolat Ayyunti Qaafiyat Dacrissu kee Qadliinole Dayli Guddos Diggossuh Qusbih Tiysiise Pooliisi Taamal Asisseh Tan Way Tah Dalka Kalalaanam kee Daylisak Qaaffooysaanamih Ayfaafayal Yaceenimil Hangi Haytam Kinni.

Qaafiyat Malaakih Xeeta Dr Xereje Xugguma Ityoppiyak Xaagi Raceenah Elle Qaddoysennal Xayi Udduruuk Lakal Ayyunti Xaqul Yanbulleh Yan Mano Gexsitih Milaaguuy, Makmo Siiratih Taqabi kee Angagoyyi Dagna Tabaatabe Sinni dalka Kah Baarintannah Sabab Akkuk Geytimtam Yescesse.

Tohih Taagah Lakimitte Baxaabxsale Caddol Aakamal Elle Baxisanaam kee Daylisak Qaffoysaanamih Dudda Too Caddol Fayya Haanam Faxximtaamih Taagah Qusba Daylisak Qaffoysaanamih Pooliisil Hangi Haak Geytimaanamat Yaabe.

Qusba Pooliisi Katayak Kulli Caddok Geytinta Qaafiyat Fantenaani Duddale Dayli Xayyoosuuy, Duddake Sehdayti Cayli Yanuh Taamitak Ayyunti Qaafiyat Dacrisaanam Elke Xiqan Mango Taamoomi Tekkeh Tanim Yiysixxige.