Qafar Agatih Rakaakayak Doolatak xiinissoh Abba Cajji Awwal Qarba Elle Geytimekkel Sekota Declaration Kee Ayyunta Rakiibo Abta Qaafiyat Caabih Ayfaf Wagittaamal Abbinos Kusaaqal Walal Gexsite.

Addis Ababa,Waysu 7,2018 (FMC) Maaqiddi Siirat Kee Nutrition Malâ Buxa Sekota Declaration Elle Abbinoowah Yan Daqooritih Caddol Abbinos Maca Ceelam Kusaaqisen.

Tama Aracal Rakaakayak xiinissih Abbak Maaqiddi Siirat Kee Nutrition Fayu Abeenah Yan Gifta Saddik Acmad Agaaradah Ugutma Yakkem Xiiqa Yan Daqoorit Abbinoosih Gabbaaqu Xayyooseh Sugem Tamixxige.

Xayyooweh Sugeh Yan Gabbaaqul Qaku Kee Gabul Maca Ceelam Wagsiisak Baar Le Walal Elle Yekkem Tamixxige.

Tama Aracal Geytimak Rakaakayak xiinissoh Abba Massakaxxale Cajji Awwal Qarba Iyyeemih Maaqiddi Massaamah Taqabi Alaaqal Kataasah Yan Taqabi kaxxa Muhimmat Faxam Kinnuuk Daqoorit Miraaciini Ta Taamal Kaxxam Hangi Yaceenim Faxximtam Axcuk Kassiise.

Tonnah Kaadu Taamah Edde Takkuh Tamaate Qokolitte Elle Faxximta Gurral Taamal Assam Faxximtam Kee Daqoorit Sinni Gammik Sahdayti Caylak Faxximtam kee Miizaaniyyatak Faxximtam Yabbixeenim Faxximtam Qagitaak Kassiise.

Qagitaak Kaadu Ayyunta Rakiibo Abta Qaafiyat Caabih Ayfaf Macaddot Yanim Kusaaqiseenim Kee Ayyunta Rakiibo Abta Qaafiyat Caabih Ayfafat Adoytiitih Tan Daqoorit Boolul Bool Gaba Inkih Asqassaabe Taama Diggoysak Gaxaanam Faxximtamal Kee Gaba Sissikuk Akak Kalaanam Faxximtaamal Afkan Daffeysen.

Tonnah Kaadu Kulli Daqoorit Caddol Gaabowak Sugte Lakqo Rakaakay Caddol Inki Sandug Fan Aydaaruk Akah Gaabosan Innah Tekkeh Geytimtam Kee Refer Caddol Sugte Taqabitte Akah Raqtannah Ilaa Baaxo Caddol Kaxxa Hospitaalah Yan Tukkur Ambasa Hospital Fan Sittin Gey Abak Ayyunta Rakiibo Abta Qaafiyat Caabih Ayfaafih Adoytiitih Tan Ummatta Meqe Ayfaf Akah Geytannah Akkuk Geytimtam Tamixxige.

Ellê Cabol Sekota Declaration Kee Ayyunta Rakiibo Abta Qaafiyat Caabih Ayfaf Ummatta Qaafiyat Elle Soola Kaxxa Langitte Kinniimih Taagah Baxsale Hangi Akah Acayuk Rakaakay Caddo Dubuk Hinnay Agat Caddol Meqe Xaloot Yambaleyuh Baxsale Taamoomi Elle Takkem Faxximtaam Qafar Rakaakayih Doolatak xiinissoh Abba Cajji Awwal Qarba Afkan Elle Yecenim Rakakayak Prezdenti Kutbeh Buxah Oyti Yescesse.