Qafar Agatih Rakaakayak Doolatak Xiinissoh Abba Massakaxxale Cajji Awwal Qarba Afambô Daqaaral Comperhensive Health Post Dooqayse
Addis Ababa,Waysu 16,2018 (FMC) Awsi Rasuk Afambô Daqaarak Meegoh Awdal Kaxxah Tan Comperhensive Health Post 40 Millionuk Amo Takke Lakqo Xiseeni Dooqaysiisen.
Ta Comperhensive Health Post Afamboh Ummattak Qaafiyat Ayfafih Guddusso Yaysiisoonuy, Inonti Kee Alaaqa Raba Daggaysoonuh Kaxxa Doori Lem Tamixxige.
Tama Dooqaysoh Aracal Geytimak Farmo Tatrussem Rakaakayak Xiinissoh Abba Massakaxxale Cajji Awwal Qarba Iyyeemih Ta Dooqayso Ni Doolat Dacarsittoh Xiinah Tan Ummattah Daddoosuh Baxsale Hangi Teceeh Taniimik Kaxxa Mascassa Kinnim Yescesse.
Tonnah Kaadu Awayih Uddur Inonti Kee Alaaqa Raba Daggoysak Gexoonu Kee Afamboh Ummatta Mexxat Le Qaafiyat Ayfaf Giyak Inonti Kee Alaaqa Rabi Daggoowak Gexuh Kaxxa Doori Lem Kinnuuk Annah Tan Comperhensive Health Post Baarisak Gexeloonuh Yaniinim Qaddoysem Rakakayak Prezdenti Kutbeh Buxah Oyti Yiysixxige.