Qafar Agatih Rakakayih Doolatak Naharsi Saqal Cajji Awwal Qarba Naharsi Malaak Dr Abiyyi Acmadah Unkaqiino Farmo Tatruse

Ummattah Awlaytit Malah Buxa Gexisse Aydaadi Koboxul Naharsi Malaak De Abiyyi Acmad Itiyoppiyak Federa Dimokrasi Repoublikik Naharsi Malaak Akkuk Doorimeemih Qafar Rakakayih Doolatay,Ummattay Kee Inni Migaaqal Yoh Tontobbe Rufto Kee Konnabana Qaddosama Faxa.

Ta Aydaadi Marga Taturte Milaagi Liggiditteh Ni Baaxot Bodde Gexekalitittek Cogday,Xiiq Kee Xex Mablah Macaabal Miraacisak Tuskutube Assakatitteh Ummattah Awlaytit Tece Kaxxa Mamaxxag Ku Macalih Amantina Kinni.

Ku Miraacinih Gubat Tekke Qidaddo Milaagitteey, diplomaasih maysoosaay, ayyuntiinoo kee dariifâ dadal ni baaxoh Agattiinah Muucitye kee ni Ummattah Niya Fayyo Heeh geytimta.

Baxsaluk Ku Cogda Le Miraciini Gexsol Qafar Ummatta Ahak Dumal Edde Sugte Allak Wagitaanamih Migaaq Kes Deelok Inki Tanuk Awquk Baaxo Miraacinu Kee Baaxoh Caagidat Saanih Akah Nangalennih Saami Fanah Gufne.

Asaaku ni ummatta Inkih Yan Duddal Isinni Baaxo Catak Ni Baaxo Itiyoppiyak Kulli Caddo Dadalat Isinni Caddoh Gabat Agle Abak Geytiman.

Ossotinah Rakaakay Ku Uguugusul Qimbimte Naba Daddos Cugaysoosa Ux Uddurih Addat Gaba Kalak Sissikah Mexxat Le Affaf Taceem Qimbissem Ogaysimte Rakiibo Daddositte Baarisnuh Neh Abte Macal Kee Neh Tece Baxsale Hangih Ni Rakakayih Ummatta Kulasle Gadda Koh Xayyossa.

Ni Rakaakayih Ummatta Ni Baaxoh Cudud Dacayrisak Salaam Dacayrih Caras Kinnuk Aamanti Diggoysak Federaal Doolatak Daddos Kee Meqe Xiinissoh Angagoy Arac Xagtuh Dumaak Muxxi Gulguluh Geytimaanam Qaddoosen.

Tonna kinnuk Qafar Rakaakayih Doolat kee Inkih tan Itiyoppiyah Ummatta Ku miraaciini waktil ni baaxo ityoppiya dudda le bisômaxcoy, sarrimaane le salaamah Abtah Tan Macalah Ku Xaqut Gaceloonum Ko Aysixxige.

Anu Yalli koo kee ku qusba kaabineh aydaadu kee agat masquuliyyatal Yeceenih Yanninik Dudda kee maqaral akah Tawqen Innih dooqa aba.

Cajji Awwal Qarba

Qafar Rakakayak Naharsi Saqla