Qafar Baaxo Buqreh Bica Mali Iyyanamih Aydaadu Hayyeyyeno Abte Milaagi Doolat

Qafar Baaxo Laqin Baaxoy Caxan Dariyat Elle Yabukem Madduda Axcuk Mangoh Tan Liggiditteh Ayyunti Fule Gadday, Buqreh Meqe Kallaytu Le Ardih Bagul Dabaqak Xiinak Suge.

Itiyoppiya Ekraarisseh Tan Maaqiddak Isinni Duudanamih Caabik Ugut Abak Ayyunti Buqre Fanah Akah Haysitah Buqreh Faxximtah Tan Mansoofa Kee Tonnah Faxximah Yan Dariyat Xayyosak Ummattak Maaqiddi Caabi Diggisanamih Gexsitil Udduruk Uddur Milaagi Ambulluk Yekete.

Maqiddak Isinni Dudanamih Taama Baxsaluk Rakuh Elle Tanimi Buqre Taama Kinnim Kee Buqre Taama Qafar Addal Takkuh Naharal Ayyuntak Mesenkaca Geysisanamak Sugte.

Taturte Liggiditteh Addat Qafar Baaxo Buqreh Bica Mali Akak Axcuk Sugenih Geysiseenih Sugen Ayyuntak Misinkeca Buqreh Taamal Bicah Gactuy Maqiddi Caabik Isinni Dudoonuh Abanam Faxximta Taamomiy Kalah Qafar Baaxo Buqreh Bicale Baaxo Kinnimil Ayyunta Geysisak Ayyunti Buqre Taamah Gulguluh Akah Gacan Innah Abak Gulgulusso Taamomi Baxabxsale Dariifal Tekke.

Qafar Baaxo Mangoh Tan Gino Gaddittey,Buqreh Meqe Kallaytu Le Baaxoy Elle Ubqurra Hannanim Inkih Elle Taabuke Baaxo Kinnim Duma Qafar Baaxol Tu Matabuka Axcuk Suge Mari Away Akak Qajibsita Abto Doolat Uguugus Kee Ayyunti Aba Taama Sittallih Gacak Abe Taama Tahak Sumaqta Kinni.

Awash Weqayti Qafar Baaxok Kango Daqoorit Argiquk Akak Taturak Suge Baaxok Sugteh Takkay Ikkah Awash Weqaytut Buqreh Yantifiqenimih Taama Kaxxam Addah Sugte.

Qafar Baaxo Adda Xex Awash Weqayti Mango Daqoorit Argiquk Akak Gexa Baaxo Kinnuk Buqre Baaxo Ginak Dariifah Ayyuntah Buqreh Ugugus Abak Awayih Uddur Qafar Baaxo Buqreh Bica Le Baaxo Kinnim Elle Yabluusen Baxabxsale Buqre Xalootih Taamomi Elle Akkuk Geytimta.

Duddale Kallay,Duddale cayla Sitta Fanah Baahak Ayyunti Maaqiddi Caabik Isinni Akah Xiqan Innah Aben Taamomi Qafar Rakakayak Mangoh Tan Dariifal Maqiddi Caabi Isinnik Diggosanamih Caabi Akah Yagduben Innah Tekke.

Qafar Rakakayih Caddol Mangoh Tan Caxamirittey,Caxaxuwittey,Sirrayay,Qelboy ,Ruddi Kee Dokariy Tonnah Baxabaxsale Dariyitte Elle Tabuke Baaxoy Baxsaluk Gersi Rakakayittel Kaxxam Abuke Sinni Tamiri Murti Elle Orba Baaxo Kinni.

Qafar Baaxol Caxitta Lee Gaddat Orobta Buqrera Kalah Robti Uddur Raaqisan Leet Antifiquk Madabak Iroh Uddu Hinnammay Leewaytoh Taqabih Buqre Orobak Suge waak Sugen Uddur Raaqisan Let Antifiquk Buqre Orobak Geytimtam Tamballe.