Qafar Rakaakayak Qaafiyat Biiro Daqoorit Rakiibo Abta 2019 Ekraaro kee Qaafiyat Sekter 3 Sanatih Ekraaroy 4ayroh Gexisak Sugen workshop Asaaku Yumurruqe
Addis Ababa,Waysu 15,2018 (FMC) Ta workshopil qaafiyat sekterik 3 sanatih ikraaro Maca celtaamay Mannal Gexsitak Geytimtam Wagsiisak Baarle Walal Elle Yekke.
Tonnah 2019 ikraaro inkih daqoorit kee rakaakay caddol inki weelo kee abnisso akah tallennal mango sekkacsi akak Yekke.
Ta workshopik elle cabol geytimaak farmo tatruseh yan Rakaakayak Qaafiyat Biirok naharsi saqal Gifta Yaasin Cabiibi ta workshopik hadaf Qaafiyat luddal takkeh tan taama inki ikraarooy weelo kee abbinos akah taallennah daqooritleh yan ikraaro Rakaakay ikraarollih akah missotannaay inki abina kee xalu elle geysissannal sekkaklacisoonu kinnih tanim Yiysixxigen.
Baxsalukuuy away baad kee baaxo caddol yan caalat hangit haak ayyunti qaafiyatal geyam faxximta ayfaf kee elle geyam faxximtanni akah adfime waannal asanatih ikraaro baxsale gurral ikraarisak geytimaanam Yescessen.
Yamaate sidiica sanatih ikraaro kee sidiica sanataknnaharsi inki sanatih ikraaro baxsah wagitak sugte coocittek edde sugtem nagay massiosak akah abbinowta gurral bicisenim Kassisen.
Qusba ikraaro suge wayteemik qusba qaafiyat xisneena kee qabali bankitte xisaanam addatuk baxsale xaloot akah geytimannal ikraariseenim Qaddosen.
A ikraaroh walalay 4 ayro gexisak sugeeni biiro kee daqoorit dubuh hinnay ikraaro gubaay dagah inkim akah intannah mango taqabittel qokol abtam xiqta meqem abittoh eglaali kee federqaafiyat malaakti edde asgalluk gexiseenim Yiysixxigen.
Ta taddiirah addataay ayyunta rakiibo abta qaafiyat caabih taddira kee dayli xayyoos kee ayfaafak samara ludda wagsiisaak aham fan tu elle tan inna kee foocaffanah elle gexsittam faxximtanna wagisaak elle Walale.
Ta work shopit tengeleh tan maglableela daqaaraay federaal fan inki ikraaroy titta takriyel taamitaanam qimbiseenimih taama yayse xaloot ablaasuk temeetem kee foocaffanah yayse xaloot akah geysiisan innah taamiteloonum Yiysixxigen.
Kalifa Kadir