Qarkakayisat Gexe Kalit Yakkonuh Fantaaxaw Le Cuduud Amnih Siiratitte Faxximta-Federal Polise

Addis Ababa,Ditelik 29,2018 (FMC) Itiyoppiyak Federaalak Poolisik Ciggiila Komishiner Jeneral Ristu Yirdaw Qarkakisat Kalalitoonuh Amni Oytih Tabaatabsa Kee Sittat Angaaraw Leh Tan Cudud Dacayrih Taamoomi Diggowtam Faxximtam Kassiise.

Ciggiila Komishiner Jeneral Miraacisah Yan Erga Chaynak Weening Magaalal Gexsite Baadak Qarkakisa Kalalih Seminaaral Tengele.

Tama wakti Komishiner Iristu Yirdawu Iyyemihi Qarkakisa Cuduuduk Tabak Gexxamih Sabbatah Baad Caddoh Mabba Udduruk Uddur Osak Gexxam Yescesse.

Away Yanih Yan Sissik Digital Affaf Baxsaluk Digital Dadalay Tonnah Artifishial Intellegensih Xalu Qarkakisa Buttah Ken Baatil Asisak Umam Abeenit Edde Ramid cabsiisak Geytimanam Kassise.

Qarkakisa Osak Gexak Geytimtaah, Saay Taqabi Kinnim Kee Madqa Dacayrih Ejensitte Kee Baad Ayyuntih Saay Kaxxa Taqabi Kataasak Geytimam Qaddoose.

Wali Baaxo Qarkakisa Dibuk Soolisam Duudewaam Qaddose Baxaqiseh Ta Taqabi Kalaloonuh Teknolojih Duddale Qarkakisa Kalalih Aqakane Beyaanam Amni Oytih Tabaatabsa Maqarosaanam kee Sittalluk Cuduud Amni Taamomi Abtol Asisaanam Faximtam Yescesse.

Itiyoppiya Qarkakisa Kalalitoonuh Afrikal Miraacissah Tan Baaxo Kinnim Kee Tama Luddal Baxaabaxsale Abak Raag Kobxisak Geytimtam Kassiisaak Ta Abak Raag Qokolih Baaxooxa Lih Tabissam Faxximtam Kassiise.

Tabisel SerminalitteBaad Dariifal Geytimta Baad Caddoh Fokkaqo Abay Mirocti Kee Abbinoosa Fokkaqoh Abak Raag Kee Gabbatitte Milallagak Sittallih Taamitanam Faxximtam Yescesse.